BNG SOBER

PLENO - XANEIRO 2012

2012-02-01T11:45:00.002+01:00

Suba de taxas pola recollida de residuos e do PAI e moción do BNG pedindo elaborar ordenanzas municipais para a utilización privativa do dominio público

* O goberno local propuxo unha suba da taxa pola recollida de residuos, que ficaría así nuns 4 € ao mes.

O BNG abstívose porque considera que a taxa non é desproporcionada por este servizo - que, aínda coa suba da taxa, vai resultar deficitario - pero a calidade do servizo debe mellorar, especialmente no tocante a limpeza de contenedores.

Sobre todo pedimos revisar o censo de suxeitos contribuíntes, pois danse casos de casas que non pagan con similares características a outras vivendas que sí o fan (por exemplo, xente que só habita na vivenda os fins de semana, uns pagan e outros non). E todo o mundo debe pagar por igual.

O goberno local comprometeuse a facer dito censo por parroquias.

A taxa aprobouse cos votos a favor do PP, abstención do BNG e voto en contra do PSOE.

Nunha cuestión que non reparamos os grupos da oposición no Pleno foi no feito de que a liquidación da taxa se fará cada 6 meses (25 € cada vez; son 50 € anuais), sendo mellor para as familias que a taxa fose liquidada en cantidades máis pequenas cada menos tempo, cada dous (8 €) ou tres meses (12 €).

* Aprobación da ordenanza fiscal do prezo público polo servizo de gardería do PAI (Punto de Atención á Infancia).

Estamos de acordo en subir as tasas (proponse 60 € de matrícula e 110 € mensuais), porque eran moi baixas (20 € matrícula/40 € ao mes; exención para veciñanza de Sober), pero para unha gardería pública co noso nivel de salarios son agora altas, aínda non chegando a nova suba que acaba de aplicar a Xunta para as escolas infantís (160 € mensuais).
As exencións e bonificacións están mellor que as da ordenanza anterior (a de 2005, na que estaban exentos de cota os veciños de Sober e había bonificacións no caso de irmáns). Na nova ordenanda as bonificacións e exencións contemplan máis supostos e son máis sociais.
Os concellos pequenos como Sober non teñen capacidade propia para soster estes centros, facendo cargar o seu sostemento sobre as familias. Antes que pechar o PAI, estamos de acordo coa subida da taxa, por iso a abstención, pero o BNG ten preferencia por unha rede galega de escolas públicas infantís, coma a que impulsara o goberno da Xunta 2005/2009, e que o PP desgaleguizou e agora ameaza con privatizar.

* O Pleno acordou por unanimidade a creación dun ficheiro municipal de datos persoais, conforme á normativa vixente.

* Moción do BNG: elaborar ordenanzas municipais pola utilización do dominio público por parte de empresas de telefonía, enerxéticas ou da banca.

A fiscalidade é un dos grandes obstáculos nos concellos medianos e pequenos como o noso, e debemos tentar atopar solucións que non pasen por poñer a presión fiscal sempre na xente do común. E ainda por riba, a única reforma constitucional que se fixo no estado, obríga aos concellos a controlar máis o gasto adoptando medidas antipopulares, regresivas e dolorosas para a cidadanía. As administracións deberían ter a obriga de buscar outro tipo de solucións no canto de botar enriba dos seus cidadáns e dos concellos os problemas que eles non crearon.

Hai sectores que viven un momento de importante expansión económica como a telefonía móvil, industria enerxética (eléctricas, eólicas) ou a banca, que teñen en común a necesidade de usar infraestructuras públicas locais ou municipais sen que esto repercuta nas arcas do concello. Para que estas empresas podan ofrecer e prestar os seus servizos, é necesario que desfruten da utilización privativa ou dos aproveitamentos do dominio público local, constituidos polo voo, solo e subsolo das vías ou terreos públicos municipais.

O Tribunal Supremo deu vía libre aos municipios para poder cobrar a caixas e bancos pola utilización intensiva que os caixeiros automáticos fan dos espazos públicos. Nesta sentencia recoñeceuse a lexitimidade para poder cobrar una taxa municipal aos caixeiros automáticos instalados nas fachadas das entidades financeiras.

As empresas do sector enerxético (eléctricas, eólicas, solares, etc) fan uso do dominio público nas súas actividades polo que este tipo de taxas serian susceptibeis de aplicación. No caso destas empresas, dito aproveitamento ten características especiais porque fan unha ocupación continua tanto no espazo coma no tempo. Por este motivo, a propia lei regula un procedemento específico para valorar dita utilidade e determinar o importe da cota da taxa, que se pode fixar nun 1.5 % dos ingresos brutos procedentes da facturación que obteñan anualmente no termo municipal.

Como a moción foi tida en consideración, presentámola como rogo, á espera de que sexan presentadas ao Pleno as ordenanzas pertinentes.

* Petición do BNG: arranxar o cenador do entorno do miradoiro da Pena do Castelo, en Doade.

VOCEIRO BLOQUE SOBER Nº 11 - NADAL 2011 - Con lotaría do Nadal!

2011-12-19T17:11:00.000+01:00

Ler a revista da asemblea local nacionalista de Sober pode ter premio. Ademais de informar de todo o noso traballo municipal durante esta lexislatura, comezada en maio de 2011, sorteamos participacións de lotería do Nadal. A revista comezará a chegar ás casas a finais desta semana e o prazo para participar no sorteo vai do 25 de decembro ao 31 de xaneiro. De momento, podedes ir lendo a publicación na Rede e memorizando o número que xogamos: 58.799. Bo Nadal!

Voceiro Sober Nadal 2011

PLENO - NOVEMBRO 2011

2011-11-25T02:19:00.004+01:00

O BNG pediu que se inste á Xunta a restituír os créditos eliminados aos concellos para o financiamento do Plan Concertado e para que se retire a orde que regula o dereito de acceso á asistencia sanitaria ás persoas sen recursos e desempregadas.

No eido local, o BNG demandou que o Concello se dote dun Plan Integral contra a violencia machista, que se adecente o entorno dos petróglifos do Xestal, que se reparen as madeiras retortas da oficina de turismo e se acometa unha limpeza profesional a fondo da Casa da Cultura.

Emitiuse unha repulsa unánime contra a violencia machista e instouse a todas as administracións a cumplir as distintas leis sobre esta materia.

Sober, 24 de novembro de 2011.

PLENO ORDINARIO

1º - A acta anterior foi aprobada por unanimidade.

2º - Deuse conta de decretos da alcaldía.

3º - Aprobouse por unanimidade o regulamento de agrupación de voluntarios de protección civil do Concello de Sober.

O BNG votou a favor por considerar correcto o regulamento da agrupación de voluntarios, que mantén un funcionamento democrático, e pediu que se usase unha linguaxe inclusiva na denominación da agrupación, sendo aceptado isto, co cal se chamará Agrupación de Voluntariado de Proteción Civil do Concello de Sober.

4º - A corporación aprobou provisionalmente por unanimidade a ordenanza fiscal reguladora do imposto de construcións, instalacións e obras. O BNG votou a favor por terse incorporado ao texto as bonificacións e exencións que contempla a lei xeral [Real Decreto 2/2004, de 5 de marzo, no artigo 103.2] e que o BNG demandara incluír no pasado pleno. Así, inclúense as seguintes bonificacións no imposto:

ARTIGO 8. BONIFICACIÓNS

Prevense as seguintes bonificacións

- Unha bonificación do 95% a favor das construcións, instalacións ou obras que sexan declaradas de especial interese ou utilidade municipal por concorrer circunstancias sociais, culturais, histórico-artísticas ou de fomento de emprego que xustifiquen tal declaración.

Corresponderá a devandita declaración ao Pleno da Corporación e acordarase, logo de solicitude do suxeito pasivo, por voto favorable da maioría simple dos seus membros.

- Unha bonificación do 50% a favor de construcións, instalacións ou obras referentes ás vivendas de protección oficial.

- Unha bonificación do 90% a favor de construcións, instalacións ou obras que favorezan as condicións de acceso e habitabilidade dos discapacitados.

ASUNTO DE URXENCIA - O Pleno acordou por unanimidade que o Concello se adhira ao Convenio Marco para a recollida de aparatos electricos.

5º - Mocións.

Tanto PSOE coma PP tiñan presentado mocións contra a violencia machista, mais acordouse non debatilas e sustituílas por unha repulsa unánime do Pleno contra esta lacra social e instando ás distintas administracións a cumplir as leis nesta materia.

6º - Rogos do BNG.

- En protesta polos recurtes da Xunta no Plan Concertado de prestacións básicas de servizos sociais (ver aquí).

- Pedindo a supresión do Protocolo que desenvolve a Orde de 5 de setembro de 2011 que regula o dereito de acceso á asistencia sanitaria para as persoas sen recursos económicos suficientes e para as persoas desempregadas (ver aquí).

- Que para o ano 2012 o Concello, a través dos Servizos Sociais, deseñe un Plan Integral contra a violencia machista, no que se inclúan actividades de concienciación periódicas incluídas no planemento de actividades lúdicas socio-culturais (ex. talleres para a infancia, etc). Que sirva de reflexión colectiva sobre o machismo existente na nosa sociedade, caldo de cultivo para que cada ano morran no estado español unhas 70 mulleres a mans das súas parellas.

- Que o Concello axude á Asociación Veciñal de Neiras a determinar cal é a titularidade do local social de dita parroquia, para que esta asociación poida pedir unha axuda para arranxar as instalacións, que teñen humidades que están a estragar as paredes.

- Que o Concello fale cos propietarios das fincas nas que están os dous petroglifos do Xestal para limpar o entorno destes, a cargo do Concello. Reciben visitas ao longo do ano – visitas que teñen que ser guiadas, pois a xente que quere visitalos por sí mesma non dá atopado os petroglifos, ao non ter ningún tipo de sinalización - e son un dos elementos patrimoniais de Sober máis importantes. O estado do entorno é moi deficiente, algo que se podería mellorar con poucos cartos, só con limpeza, mesmo por parte de xente voluntaria. Máis adiante, o Concello podería pensar en plantexarlles aos propietarios poder facer unha intervención branda no entorno, coma unha sinalización moi somera e panel de interpretación e un camiño de acceso adecuado ao entorno. Para isto, o Consorcio de Turismo debería colaborar.

- Hai que poñer solución ás madeiras retortas da Oficina de Turismo. Foi un deseño non adecuado para as condicións climáticas de Sober, e por iso está deteriorado dende o pouco tempo de abrir.

- A Casa da Cultura precisaría unha limpeza a fondo, a cargo dun equipo de profesionais, pois nunca foi limpada dese xeito. Ademais, segue a haber goteiras cando chove moito, habería que pensar en atallar este problema.

[O PSOE pediu que se presentasen os orzamentos en tempo e forma, que se axilizasen os permisos das obras do canon hidroeléctrico e que se limpe a Lama de Rosende].

6º - Preguntas do BNG.

- Cantos cartos aportará este ano a Xunta de Galicia ao Plan Concertado de Servizos Sociais do Concello de Sober? Que recurte supón con respecto a anos anteriores? Como se vai afrontar?

O BNG entende que os Servizos Sociais son o que xustifican a existencia dos concellos pequenos, é o último no que hai que recurtar.
--- RESPOSTA - A Xunta deu un pouco máis que o ano pasado para atención á dependencia (tamén hai máis usuarios/as do servizo) e recurtou uns 9000 € en axuda no fogar.

- O Concello de Sober adica algo do orzamento ao mantemento do campo municipal de Centeás? Canto? Recibe auga da traída municipal para regar?

--- RESPOSTA - No verán está prohibido regar con auga da traída o campo de Centeás. A auga dos vestiarios é da traída, igual que a dos do campo da Carqueixa [pendente de confirmar; a Carqueixe sempre se abasteceu dun manantial propio].

Non se invirten cartos directamente no campo de Centeás, salvo axuda de persoal do Concello cando hai averías. A axuda que houbera para arranxar os vestiarios fora con fondos da Xunta.

- Vanse traer os Orzamentos ao Pleno antes de final de ano nun pleno extraordinario? Xa non se cumple co obxectivo de planificar ben os orzamentos, pois xa non se tran os de 2012 antes de final de ano. O BNG pide que se traian canto antes.

--- RESPOSTA - Tentaranse traer en decembro ou no pleno ordinario de xaneiro, en todo caso antes de que remate o primeiro trimestre do ano 2012.

Resultados do BNG en Sober nas Xerais 2011.

2011-11-21T14:31:00.001+01:00

O BNG de Sober obtivo nas eleccións do 20-N 140 votos, o 7,9%, o que representa un descenso de case 4 puntos porcentuais a respeito de 2008, nas que o BNG de Sober superara a porcentaxe de voto nacional ao BNG. Desta volta, o BNG de Sober, que leva dende 2007 acadando resultados por riba da media nacional de voto ao BNG, fica arrastrado na caída xeral, clara aínda que contida, da fronte nacionalista, que mantén os dous representantes no Congreso dos Deputados, baixando levemente a súa porcentaxe.

Sobre estes resultados, nos que tamén teremos en conta o aumento do voto en branco en Sober, reflexionaremos nunha vindeira asemblea local que convocará en breve o noso responsábel local.

* Consulta os resultados do BNG en Sober aquí.

O 20-N, VOTA BNG: A ALTERNATIVA GALEGA E DE ESQUERDAS

2011-11-15T12:39:00.002+01:00

O BNG de Lugo-Sul reclama garantir os servizos sociais dende os concellos.

2011-10-29T11:02:00.000+02:00

As políticas doutras administracións, máis antisociais canto máis forte é a crise económica, esixen a oposición firme dos concellos e o compromiso na atención aos sectores da cidadanía máis vulnerábeis.

O Consello Comarcal do BNG de Lugo-Sul que integra as comarcas de Quiroga, Lemos e Chantada, reunido cos alcaldes e concelleiros do BNG do seu ámbito acordou por unanimidade:

1. Expresar publicamente a preocupación pola grave situación financeira dos concellos diante dos recortes económicos que están a efectuar as outras administración e que repercuten moi negativamente nas facendas municipais postas en moitos casos ao borde da creba.

2. En consecuencia o BNG comprométese, sexa desde o goberno ou desde a oposición, coa viabilización da suficiencia económica dos concellos para o mantemento dos servizos esenciais á cidadanía, especialmente os servizos sociais.

3. O compromiso do BNG para enfrontar as dificultades derivadas da crise que non causaron nin os cidadáns nin os concellos pero que ambos sofren con especial dureza, abrangue dende o apoio e impulso as iniciativas para forzar a remuda das políticas antipopulares dos gobernos central e autonómico até a reforma da fiscalidade local e no entanto, á actualización razoábel paliando no posíbel a regresividade da maioría dos impostos e taxas que a compoñen e que polo xeral non cobran máis a quen máis ten.

* Relacionado: "O BNG insta á Xunta a deixar sen efecto o recurte dun 70% en axudas sociais aos concellos".

Arde Galiza - O BNG pide "explicacións" da Xunta polos incendios e incide na importancia da prevención

2011-10-18T00:25:00.000+02:00

O portavoz do Grupo Parlamentario do BNG, Carlos Aymerich, manifestou que "alguén terá que dar explicacións" respecto dos incendios que se están producindo en Galicia e considerou que, máis aló da meteoroloxía, son necesarias os labores de prevención.

En rolda de prensa preguntado a respecto dos reproches de Medio Rural pola falta de medios para perseguir incendiarios, Aymerich incidiu en que "os montes non van deixar de arder" porque haxa máis efectivos, posto que "aos pirómanos deténselles despois de prender o lume".

Neste sentido, subliñou que haberá que realizar "labores de prevención" e preguntouse "se terá algo que ver" que non leven a cabo eses traballos con "que se estea despedindo ao persoal de Seaga ou que os coches estean aparcados nun polígono industrial" en lugar de estar no "monte".

"Alguén terá que dar explicacións", salientou Carlos Aymerich, quen lembrou que o conselleiro de Medio Rural, Samuel Juárez, compareceu hai dúas semanas. "A comparecencia debería ser agora", xulgou, e espera que "a semana que vén" o Goberno galego dea explicacións sobre "o que está a pasar".

PLENO - SETEMBRO 2011

2011-09-30T18:27:00.002+02:00

Neste pleno debatíronse tres ordenanzas fiscais (IBI - ICIO - IVTM), a adicación exclusiva da alcaldía e aspectos do saneamento e abastecemento do Concello, entre outros temas.

* INFORMETRIMESTRAL SOBRE FACTURAS PENDENTES (con máis de 30 días e con máis de 55días).

* APROBACIÓNPROVISIONAL DA ORDENANZA FISCAL REGULADORA DO IMPOSTO DE BENS INMOBLES (IBI)

Oscambios que se introduciron foron:

-o gravame aplicable a bens de inmobles de natureza urbana pasa de 0,5 a 0,6%.

-o gravame aplicable a bens de natureza rústica pasa de 0,3 a 0,5%.

-o gravame aplicable a bens de características especiais queda no máximo: 1,3%

Estaactualización do IBI entrará en vigor o 1 – 1 – 2012, con efectos reais para2013.

OBNG manifestou que se debe informar á veciñanza da suba dos impostos (aíndaentendendo que é mínima) e, sobre todo, que se xestionen ben os recursos doConcello, xa que se incrementa a carga impositiva.

OBNG abstívose porque considera que o IBI debe ser un imposto progresivo, enfunción da renda, aínda que entende que isto ten que ser desenvolvido a nivelxeral.

* APROVACIÓNPROVISIONAL DA ORDENANZA FISCAL REGULADORA DO IMPOSTO SOBRE VEHÍCULOS

Astaxas quedan igual. Actualizouse o texto – que databa de 1989 -, facendo unhareformulación axeitándooa á lei. Ademais, incluiuse unha bonificación do 100%do imposto para os vehículos de máis de 20 anos e un 50% para os coches conmotor eléctrico.

OBNG votou a favor.

* APROBACIÓNPROVISIONAL DA ORDENANZA FISCAL REGULADORA DO IMPOSTO SOBRE CONSTRUCIÓNS,INSTALACIÓNS E OBRAS

Coaordenanza proposta pola alcaldía as taxas quedan igual, pero sube dun 1 a un 2% a licencia doproxecto de obra maior.

O BNG expuxo que sedeberían contemplar na ordenanza as bonificacións no imposto previstas poloReal Decreto 2/2004, de 5 de marzo, no artigo 103.2. Ademais, a presenteordenanza supón, neste sentido, unha regresión con respecto á anterior, na cal,no seu artigo 7º, prevía que “Se podrá conceder por parte de la Junta deGobierno Local una bonificación de hasta el 90% de la cuota a los titulares delas licencias cuando concurran circunstancias de interés social, económico ocultural que justifiquen la misma.”

O alcalde aceptou as suxerencias do BNG e retirou a Ordenanza – quequeda para o seguinte Pleno – para poder estudar mellor a introdución de bonificaciónsneste imposto.

* FESTASLOCAIS DE 2012

7de setembro (venres) – Festa de Cadeiras

17de setembro (luns) – Festas do Carme

Aprobadopor unanimidade.

* ADICACIÓNEXCLUSIVA DA ALCALDÍA

32.812,5€ brutos ao ano, a distribuír en 14 pagas (= 2.343,75 € ao mes + 2 pagas extra;serían 1700 € líquidos ao mes).

OBNG abstívose en protesta polas medidasde recurtes sociais e polo modelo sociopolítico que impulsará, se goberna noEstado, o PP, o partido que ostenta a alcaldía.

Sober é un Concello que precisa a adicaciónexclusiva da alcaldía. Enténdesea necesidade de equiparar, máis ou menos, o salario da alcaldía co salariopercibido polo traballo pola persoa en cuestión. Sen embargo, tamén hai queadaptar este salario á situación xeral das contas do municipio e ao contexto decrise e lembrar que hai moita xente, políticos e políticas, que adican tempopersoal á sociedade sen retribución a cambio. O BNG de Sober poría un salariomáis baixo, aínda que recoñecemos que é un salario razoábel para un alcalde deSober, similar ao de outros concellos parecidos pero, dentro duns anos, coaspolíticas de recurtes sociais que o estado aplicará – goberne o PSOE ou PP –,en virtude da reforma da Constitución que limita o déficit público ao mínimo eque prioriza o pago da débeda e coa falta de medidas para cambiar o modeloeconómico capitalista en estado terminal, fará que camiñemos cara unha sociedadeempobrecida, na que ter un salario de case 2500 € ao mes será un soñoinalcalzábel por moita xente (xa é un soldo boísismo para Sober). Non podemosigualarnos por baixo, pero cando os grandes partidos políticos están pedindo áxente do común sacrificios deberían dar exemplo, se é que sinceiramentepensaran que rebaixando salarios e prestacións sociais se sae da crise, cousaque é totalmente falsa. O soldo razoábel para un alcalde tamén o é paracalquera asalariado, funcionario ou autónomo, aos que se lles están recurtandosalarios e prestacións sociais.

* ESTADODE REDES DE ABASTECEMENTO E SANEAMENTO

Oalcalde dixo no Pleno que se fixo un estudo sobre o particular, no que seatoparon moitas deficiencias (mal estado ETAP, fugas na zona da Mina, etc) quecalquera veciño ou asociación pode consultar.

Outroestudo pormenorizado sobre as redes de abastecemento e o saneamento xa estáencargado.

OBNG presentou unha moción solicitando a creación de:

Creación dun Consello Sectorial sobre a Auga enSober, no que estén integradas persoas representantes de cada forza política,representantes do Goberno Local e representantes de cada asociación veciñalparroquial, cuxo obxectivo sexa o de buscar solucións para as deficiencias desaneamento e abastecemento de augas do municipio así como o de manter informadaá cidadanía, a través das súas asociacións, sobre a situación das redes desaneamento e abastecemento de auga do Concello de Sober.

Foirexeitada polo PP aducindo que ía dar problemas por de acordo á xente no temada auga, porque todas as parroquias consideran a súa traída ou saneamento comoprioritario. O BNG retrucou que hai que irse acostumando a implicar á xente napolítica, que coñeza os dereitos que ten e tamén as dificultades e deberes, quenon dependa que en cada parroquia haxa unha persoa ou asociación interesada enconsultar o estado das redes de saneamento senón que, dende o Concello, xa seinforme a todas periodicamente e se convoquen para debater, aínda que sexa sóunha ou dúas veces ao ano.

* LIMPEZADAS MARXES DO CABE EN CANAVAL

Comoresposta a un punto dunha moción do BNG, que solicitaba a limpeza da zona debaño de Canaval, a Alcaldía dixo que se solicitou á Confederación Miño-Sil alimpeza do Cabe e de outros ríos de Sober, e que esta se comprometeu a limpar azona de baño de Canaval.

Imaxe do "Punto Limpo" do Concello de Sober este verán.

* PUNTOLIMPO DE CANAVAL

OBNG sinalamos que, na práctica, o Punto Limpo de Canaval era un vertedoiroincontrolado, así instamos a que se limpase e preguntamos se se estaba acumplir o disposto na Ordenanza de Funcionamento do Punto Limpo do Concello deSober.

Oalcalde recoñeceu que non funciona o Punto Limpo. Dixo que en outubro se vailimpar, cando concedan o permiso de queima de certos residuos. Anunciu que vai funcionar,porque o Concello se vai acoller a unhas axudas da Xunta, e que vai contar convixiancia, para que non se siga vertendo lixo alí descontroladamente.

* REGULAMENTODE HONRAS E DISTINCIÓNS DO CONCELLO DE SOBER

OPP presentou un regulamento estándar sobre os nomeamentos honoríficos doConcello (Fillo/a Predilecto/a – Fillo/a Adoptivo/a – Concelleiro/a ou Alcaldeou Alcaldesa honoraria – Medalla de Honra de Sober), que xa estaba redactadodende había anos, pero que non estaba en vigor porque faltaba a aprobacióndefinitiva do Pleno.

Dendeo BNG sinalamos que se adaptase o texto á Lei de Igualdade, incluíndo o xénerofeminino nos títulos (Fillo/Filla), que non estaba, e pedimos que non sebanalizasen os títulos, senón que se concedesen só en ocasións claras econtadas. Tamén pedimos que se cambiase “servizos á cidade” por “servizos ácidadanía soberina”. As emendas do BNG foron aceptadas, polo que se votou afavor.

* PREGUNTADO BNG AO GOBERNO MUNICIPAL SOBRE A NECESIDADE OU NON DUNHA ÁREA SANITARIA DEXESTIÓN INTEGRADA PARA MONFORTE E COMARCA

OBNG preguntou que postura terá o gonerno municipal se, tal como semella, o PPincumple a súa promesa de manter a área sanitaria de xestión integrada deMonforte. O goberno local respostou cun apoio pouco concreto de defensa damellora da calidade e servizos do Hospital, pero non se pronunciou expresamentesobre a área sanitaria.

PLENO - XULLO 2011

2011-09-30T17:57:00.001+02:00

Asuntos tratados no pleno de xullo, que foi convocado de xeito extraordinario, entre eles: posta a disposición de terreos para un miradoiro en Bolmente, cambio de nome da rúa do Cine (que pasa a chamarse do Cine Barbagelata) e distintos rogos do BNG: desbroce dun camiño en Figueiroá, adecentamento da praza de Sistín do Mato e adecentamento dos miradoiros.

* INFORMETRIMESTRAL SOBRE FACTURAS PENDENTES (con máis de 30 días e con máis de 55 días).

* POSTAA DISPOSICIÓN DE TERREOS PARA MIRADOIRO “COTARRO I” EN BOLMENTE

OBNG votou a favor desta proposta – como toda a Corporación -, argumentando quese deben ter en conta os seguintes aspectos, que foron presentados como rogos.

A) Que secambie o nome aséptico e incorrecto de “Cotarro I” polo de Miradoiro daCividade.

B) Que área depaneis informativos prevista no proxecto se inclúan informacións sobre oentorno, tanto paisaxístico, como histórico (o castro da Cividade, o Cotarrodas Rodas…) e humano (o traballo na ribeira…), tendo en conta para a súaelaboración a opinión das xentes da parroquia e das asociacións da zona.

C) Que ainformación dos paneis informativos esté en galego, ademais de en castelán einglés.

D) Que seacondicione e manteña limpo un camiño de acceso a pé ao Castro da Cividade eque se incorpore un panel simple explicativo sobre o castro.

E) Que, unhavez adxudicada a obra, se se produce rebaixa no orzamento plantexado, os cartos“sobrantes” se invirtan en obras de interese veciñal na parroquia de Bolmente.

* CAMBIODE DENOMINACIÓN DE RÚA

Arúa do Cine pasará a chamarse rúa do Cine Barbagelata, cos votos a favor de PPe BNG e a abstención do PSOE.

Dendeo BNG entendemos que se reúnen os requisitos necesarios para levar a cabo ocambio de denominación da rúa, que é de xustiza engadir este apelido de quenabriu o primeiro cinema en Sober ao nome da rúa, que a familia Barbagelata foifundamental para a chegada do cinema a Galicia e pioneira a nivel estatal naintrodución do cinema.

* APROBACIÓNDE ORDENANZA REGULADORA DA APERTURA DE ESTABLECEMENTOS PARA O EXERCICIO DEACTIVIDADES NON SOMETIDAS A AVALIACIÓN DE INCIDENCIA AMBIENTAL

OBNG votou a favor, por axustarse a ordenanza á legalidade.

* ROGOS

OBNG presentou os seguintes rogos, aos que o alcalde se comprometeu a darlles solucións.

Durante a campaña electoral das elecciónsmunicipais de 2011, o BNG recolleu distintas peticións de xentes de todas asparroquias de Sober, comprometéndose a buscarlles solución, de terresponsabilidades de goberno nesta lexislatura, ou a trasladalas ao grupo degoberno municipal correspondente, neste caso, o PP.

Así, o Grupo Municipal do BNG presenta estascuestións en forma de rogo á Xunta de Goberno Local para que se busque asolución, pola vía que corresponda, a cada un dos seguintes pequenos problemasplantexados polas xentes de Sober.

DESBROCE DE CAMIÑO TRADICIONAL – FIGUEIROÁ

O camiño dende o núcleo de Veleigaz ao núcleo doBarrio, en Figueiroá, está cheo de maleza, sendo un camiño que podería serusado para pasear, aproximando estes dous núcleos sen obrigar á xente a dar unrodeo. Só cómpre desbrozalo, as paredes que o flanquean están en bo estado.

ADECENTAMENTO DA PRAZA DE SISTÍN DO MATO – CANAVAL

A praza central do núcleo de Sistín do Mato, un dosnúcleos máis poboados do Concello, sería un lugar idóneo para colocar unsbancos e unha pequena zona axardinada, con algunha árbore para dar sombra.

LUZ PÚBLICA FUNDIDA EN SANTE – BULSO

ZAHORRA EN CAMIÑO – SANTIORXO

No núcleo dos Hortos, en Santiorxo, a baixada ácasa do Secundino, usada por turismos, podería mellorarse botando zahorra,solución que evitaría o forte impacto do asfalto.

ADECENTAMENTO DOS MIRADOIROS

O estado dos miradoiros de Bolmente, Santiorxo eCadeiras non é bo. Os paneis existentes non informan adecuadamente da ubicaciónonde se atopa o viaxeiro e qué elementos pode ver dende eles, nin dan unhamínima información sobre a paisaxe e a cultura ribeirá. No caso dos miradoirosde Santiorxo e Cadeiras a vexetación, fundamentalmente os piñeiros, impidenpercibir unha vista completa do canón.

O BNG PIDE A CREACIÓN DUN "CONSELLO SECTORIAL DA AUGA"

2011-08-13T23:49:00.005+02:00

* Nota pública do Grupo Municipal do BNG de Sober.

O BNG PIDE CREAR UN “CONSELLO SECTORIAL DA AUGA”, CON REPRESENTACIÓN DAS PARROQUIAS, PARA BUSCAR SOLUCIÓN ÁS CARENCIAS DE SANEAMENTO E ABASTECEMENTO DE AUGA DO CONCELLO DE SOBER

Este debería ser o espazo para o debate político sosegado, a información ás parroquias e o asesoramento técnico sobre a auga.

De crearse, pedimos que na primeira xuntanza se informe detalladamente sobre o estado das redes de saneamento e abastecemento de augas do Concello, especialmente que se especifique o funcionamento da estación potabilizadora de Canaval, se se abastece regularmente de auga do Cabe, e que se explique á veciñanza o resultado das análises da auga da traída.

Sober, 14 de agosto de 2011.

A alta mortandade de peixes rexistrada no Cabe o pasado xullo, pese a ser algo circunstancial, veu a evidenciar o precario estado de saúde do río e abondou na preocupación da xente sobre a salubridade da auga da traída de Arroxo, Proendos, Canaval e Refoxo.

Sobre esta traída de auga o BNG xa emitiu a súa opinión reiteradamente na pasada lexislatura: escolleuse a peor solución para o abastecemento de augas, consistente en bombear auga dende un dos puntos máis baixos do Concello cara zonas máis elevadas, co conseguinte sobrecusto, e elixiuse coller unha das augas de peor calidade do Concello, a do río Cabe ao seu paso por Canaval. Cremos que cómpre buscar unha alternativa a esta traída e á carencia de saneamento da maior parte dos núcleos de poboación de Sober, facendo obras por zonas e mantendo informada á poboación das parroquias. As deficiencias do municipio en materia de saneamento - especialmente - e abastecemento de augas deben ser un obxectivo prioritario do Goberno Local e das forzas políticas municipais.

Por iso, propoñemos ao Pleno – a través dunha moción que presentaremos na vindeira semana – a “Creación dun Consello Sectorial da Auga en Sober, no que estén integradas persoas representantes de cada forza política, representantes do Goberno Local e representantes de cada asociación veciñal parroquial, cuxo obxectivo sexa o de buscar solucións para as deficiencias de saneamento e abastecemento de augas do municipio así como o de manter informada á cidadanía, a través das súas asociacións, sobre a situación das redes de saneamento e abastecemento de auga do Concello de Sober.” Ademais, o BNG adianta que “as solucións que se barallen deben atender a criterios hixiénicos-sanitarios e de sustentabilidade ecolóxica e económica, buscando a auga en mananciais situados en cotas suficientemente altas para facer o subministro por gravidade, e de entre estes, os que estean menos expostos a verquidos eventualmente contaminantes.”

Por outra parte, os problemas ecolóxicos do Cabe esixen unha actuación da Xunta de Galicia, que debe “dotar dunha nova estación depuradora a Monforte”, pois a propia Consellería de Medio Ambiente admitiu as carencias existentes en Monforte en materia de tratamento de augas residuais, algo que afecta directamente a Sober. Tamén é precisa a actuación da Confederación Hidrográfica do Miño-Sil e do Ministerio de Medio Ambiente, pois “débese vixiar as posíbeis verteduras no Cabe e controlar o caudal do río” - particularmente limpando a maleza acumulada nalgúns puntos - para evitar a diminución de osíxeno na auga.

Os ríos galegos son sobreexplotados dende o punto de vista enerxético e a súa contaminación no medio rural provén, xeralmente, da deficiente dotación de redes de saneamento, servizo básico que as administracións están obrigadas a prestar. O pobo galego temos dereito a que os astronómicos beneficios da explotación enerxética dos nosos ríos – como ben sabemos no sur de Lugo - revertan na calidade ambiental do noso país e na mellora das posibilidades de vida digna no medio rural e non só na conta de resultados das grandes hidroeléctricas. Que no ano 2011 a maior parte dos núcleos de Sober estén sen saneamento e que o Cabe esté nun estado precario mentras se avalan obras de mellora de potencia eléctrica no Sil, coma o proxecto de Iberdrola de perforar o canón, é unha situación colonial: as administracións públicas non actúan a prol da cidadanía galega e sí para favorecer intereses dos grandes capitais españois.

BNG – SOBER

benegasober@hotmail.com

www.benegasober.blogspot.com

PLENO DE ORGANIZACIÓN - 2011

2011-07-19T20:21:00.000+02:00

CONSTITUCIÓN DOS GRUPOS POLÍTICOS MUNICIPAIS

- PP - Portavoz: Luis Fernández Guitián. 7 concelleiros.

- PSOE - Portavoz: Iñaki Rodríguez Pérez. 2 concelleiros.

- BNG - Portavoz: Paula Vázquez Verao. 2 concelleiros.

CREACIÓN DA XUNTA DE GOBERNO LOCAL

- Luis Fernández Guitián (presidente).

- Domingo López Fernández, José Elías González Prieto, Sonia Fernández Martínez (vocais).

PERIODICIDADE DAS SESIÓNS

- Plenos ordinarios - Último xoves de cada mes impar ás 19:00 horas (de outubro a abril) e ás 21:00 horas (de maio a setembro). [Animamos á cidadanía de Sober a acudir aos Plenos, que son públicos]

- Se fose festivo o día sinalado, a sesión ordinaria celebrarase o día hábil inmediato seguinte.

- Xuntas de Goberno - 1º e 3º luns de cada mes, ás 10:00 horas.

DELEGACIÓN DE COMPETENCIAS EN CONCELLEIROS

- Domingo López Fernández - Medio Rural, Viticultura e Infraestruturas Agrarias.

- Elías González Prieto - Comercio, Industria e Artesanía, Mocidade e Deportes, Persoal.

- Sonia Fernández Martínez - Política Medioambiental, Agroforestal e Gandeira.

- Carmen Pérez Pérez - Servizos Sociais e Saúde.

- Abel López Fernández - Servizos (limpeza, alumeado, augas, saneamento).

- Mirian Teresa Pérez Vázquez - Ensino e Igualdade.

TENENTES DE ALCALDE (3)

- Domingo L. F.

- Elías G. P.

- Sonia F. M.

DELEGACIÓN DE COMPETENCIAS DA ALCALDÍA NA XUNTA DE GOBERNO LOCAL

DELEGACIÓN DE COMPETENCIAS PLENARIAS NA XUNTA DE GOBERNO LOCAL

Proposta da alcaldía: delegación na Xunta de Goberno das seguintes competencias plenarias:

- Exercicio de accións xudiciais e administrativas e defensa da corporación en materias de competencia plenaria.
- Declaración de lesividade de actos do concello.
- Concertación das operacións de crédito cuxa contía acumulada, dentro de cada exercicio económico, exceda do 10% dos recursos ordinarios do orzamento, salvo as de tesourería, que lle corresponderán cando o importe acumulado das operacións vivas en cada momento supere o 15% dos ingresos correntes liquidados no exercicio anterior.
- Aprobación dos proxectos de obras e servizos cando sexa competente para a súa contratación e concesión, e cando aínda non estén previstas nos orzamentos.

Argumentación do BNG, en contra - "Aínda que delegar certas competencias plenarias na Xunta de Gobernofan máis áxil a administración local, o Pleno é un organismo ao que pode acudir público, a diferencia da Xunta de Goberno, permitindo a transparencia e o control cidadán. Ademais, nun concello do tamaño de Sober non é necesaria a delegación de competencias deste na Xunta de Goberno Local, pois as urxencias que se poidan dar no relativo ás competencias que a alcaldía propón delegar pódense solventar agardando pola sesión ordinaria do Pleno nos meses impares (a só 10 días de distancia da segunda sesión da Xunta de Goberno Local) ou ben convocando unha sesión extraordinaria do Pleno nos meses pares ou cando a situación o requira."

A proposta da alcaldía é aprobada cos votos a favor do grupo do PP e abstención de PSOE e BNG.

CONSTITUCIÓN DE COMISIÓNS

- Comisión especial de Contas e Facenda. Presidente (alcalde) e cinco vocais: 3 do PP, 1 do PSOE e 1 do BNG.
- Comisión de Delegados. Presidente e concelleiros delegados (todos).

* Celebrarán sesión o último xoves dos meses pares.

REPRESENTANTES EN ÓRGANOS COLEXIADOS

- Consorcio de Turismo RS - Luis F. G.
- Consello Escolar - Mirian P. V.

- GDR Ribeira Sacra - Luis F. G.

MODIFICACIÓN DA BASE Nº 12 DAS BASES DE EXECUCIÓN DO ORZAMENTO DE SOBER DO EXERCICIO 2011.

A alcaldía propón 0,30 € por km percorrido nas dietas de locomoción. Para as dietas dos membros da Corporación propón que serán as fixadas no Real Decreto 462/2002, do 24 de maio, para a categoría de grupo primeiro. Para funcionarios, persoal laboral e contratado, as que dispón o Real Decreto 462/2002, de 24 de maio, de indemnizacións por razón de servizo. En canto a asistencias, os membros da Corporación sen adicación exclusiva nin parcial recibirán por asistencia ás sesións do Pleno e das Comisións:

- Xunta de Goberno – 100 €

- Pleno e Comisións – 90 €

- Alcalde – 400 € sesión / máximo dúas ao mes.

Emenda do BNG de Sober.

* Coa nosa proposta, tal e como queda configurada a organización do Concello, afórranse ao mes, en relación coa proposta da alcaldía, as seguintes cantidades:

PROPOSTA ALCALDÍA	PROPOSTA BNG
0,30 € km	0,20 € km (0,19 € km é o que Facenda como gastos de desprazamento no caso dos traballadores).
Xuntas de Goberno 100 € - Dúas ao mes, 3 vocais. 600 € ao mes.	60 € - 360 € ao mes (aforro de 240 €/mes).
Pleno – 90 € - 11 concelleiros – 990 € cada dous meses	60 € - 660 € cada dous meses (aforro de 330 €).
Comisións – 100 € - Comisión de Delegados – 700 € cada dous meses	Comisións – 60 € - 420 € cada dous meses (aforro de 280 €).

* 60 € son unha cantidade suficiente por indemnización por asistencia a órganos colexiados (Pantón, con máis poboación que Sober, estableceu 75 € por pleno, fronte aos 90 € que propón a alcaldía).

* Regúlanse as dietas conforme ao disposto no Real Decreto 463/2002 para o Grupo 2, resultando diso un aforro para o Concello e sendo suficientes para o exercicio das funcións dos cargos públicos de Sober.

* Real Decreto 462/2002, de 24 de mayo, sobre indemnizaciones por razón del servicio.

ANEXO II.
Dietas en territorio nacional.

Grupos	Cuantías en euros
Grupos	Por alojamiento	Por manutención	Dieta entera
Grupo 1	102,56	53,34	155,90
Grupo 2	65,97	37,40	103,37
Grupo 3	48,92	28,21	77,13

A proposta da alcaldía é aprobada cos votos a favor do PP.

ASIGNACIÓN A PARTIDOS POLÍTICOS.

A alcaldía propón:

- cantidade fixa – 30 €/mes por cada grupo político

- cantidade variable en función dos membros integrantes do grupo político – 50 €/mes por cada membro.

Emenda do BNG de Sober.

Asignar como cantidade de 50 €/mes por grupo, máis 30 € por Concelleiro e mes.

Resultando:

PP – 260 € mes

PSOE – 110 € mes

BNG – 110 € mes

* Coa nosa proposta o Concello aforra 160 € ao mes, potenciando a importancia da asignación ao grupo político por riba da asignación aos membros do mesmo, sendo a principal obxecto das axudas a grupos o desenvolvemento do traballo político. Os concelleiros xa perciben indemnizacións por asistencia aos órganos colexiados do Concello.

75 ANOS DO XENOCIDIO GALEGO

2011-07-18T23:13:00.000+02:00

Hoxe cumplíronse 75 anos do inicio da Guerra Civil Española e do Xenocidio Galego.

No pleno de constitución da corporación municipal soberina o pasado xuño lembramos aos concelleiros da corporación de 1936 asasinados naquel ano: Daniel Álvarez Carnero, Edmundo Pérez Díaz e José B. Mantilla González.

- Sobre o Xenocidio Galego (aquí).

- Vítimas de Sober no proxecto Nomes e Voces (aquí).

Intervención do BNG no debate de política xeral do Estado.

2011-06-30T12:48:00.001+02:00

PALABRAS DO BNG NO PLENO DE CONSTITUCIÓN DA CORPORACIÓN DE SOBER

2011-06-17T17:24:00.001+02:00

O pasado 11 de xuño, ás 00:01, constituíase a corporación municipal soberina para a lexislatura 2011-2015.

En primeiro lugar, os concelleiros e concelleiras xuraron ou prometeron os seus cargos, pasando, logo á elección de alcalde, que se fixo sen que previamente os candidatos tomasen a palabra.

O candidato do PP, Luis Fernández Guitián, recibiu os apoios do seu grupo político, con sete escanos: Luis Fernández Guitián, Domingo López Fernández, José Elías González Prieto, Sonia Fernández Martínez, Carmen Pérez Pérez, Abel López Fernández e Mirian Teresa Pérez Vázquez.

O candidato do PSOE, Iñaki Rodríguez Pérez, recibiu os dous votos do seu grupo, composto por el mesmo e por Eloy Pérez Otero.

O candidato do BNG, Alfonso Campos Pérez, só recibiu un dos dous votos do seu grupo, o de Paula Vázquez Verao, pois el mesmo abstívose.

Como resultado da votación, Luis Fernández Guitián resultou elixido alcalde do Concello de Sober.

A continuación, o alcalde electo leu un discurso no que lembrou aos seus predecesores no cargo, falou das liñas mestras do seu programa - viño, turismo, música - e pediu colaboración á oposición, rematando coa lectura do poema Bando, de Manuel María.

Logo, sen terse pechado a sesión, a prensa xa se dispoñía a entrevistar ao novo alcalde cando, a petición da oposición, este lles deu a palabra aos outros grupos políticos, falando tanto o BNG coma o PSOE. Ao remate, Alfonso Campos Pérez agasallou á nova corporación co libro de poemas Petroglifia, de Xosé Lois García, adicado a Sober.
O grupo nacionalista de Sober, por boca da portavoz, Paula Vázquez Verao, expresou o que resumimos a seguir.

Estamos aquí polo Pleno, non pola hora que é, pero é evidente que o despregue mediático se produce porque esta sesión é convocada pasado só un minuto do prazo legal para a constitución das corporacións. Poida que non sexa “de todo malo”, como dixera o candidato do PP á alcaldía que Sober exa coñecido por isto, pero o que si pode ser “malo” é que este pleno nos vaia dar a medida da lexislatura: é dicir, que importe máis o fulgor mediático que o debate e a práctica política. Nós, o nacionalismo galego, queremos que Sober sexa recoñecido pola súa beleza paisaxística, pola súa riqueza patrimonial e por unha boa xestión política, non por "plenos ás doce da noite". Ademais, o pleno xa é traballar, non vale dicir que se convoca o Pleno á noite porque se quere traballar ao día seguinte dende primeira hora: o Pleno é fundamental no traballo municipal.

Por outra parte, se queremos facer esta sesión realmente significativa, con impacto mediático e simbólico, recoñezamos todos e todas hoxe, solemnemente, como o facemos o grupo do BNG, á corporación municipal que se sentou aquí hai 75 anos, a corporación elixida en febreiro de 1936, composta por xentes humildes de Sober - labregos, xornaleiros, - que foron asasinados, encarcelados ou expedientados por facer o que hoxe facemos nós. Recoñezámolos, porque este Concello non será moralmente lexítimo ata que faga un recoñecemento explícito da situación vivida en Galiza, e en Sober, do 36 en diante, que non foi unha guerra civil, senón un xenocidio, unha masacre en frío na que morreron milleiros de persoas sen haber fronte de guerra. E isto non é pasado, é presente, porque unha sociedade decide o que quere ser: se quere recoñecer o que sucedeu ou se quere seguir perpetuando o esquecemento e, con elo, perpetuando a ignominia. E, dende logo, eu e os meus compañeiros de lista non podíamos ocupar esta cadeira sen lembrar a aqueles que sentaron aquí en 1936 e que sufriron por defender os dereitos da poboación máis castigada. Por iso, un recordo especial aos concelleiros de Sober asasinados: Daniel Álvarez Carnero, de 33 anos, e Edmundo Pérez Díaz, de 34 anos, executados en Lugo por terse desprazado alí para defender a legalidade republicana, e José Benito Mantilla González, labrego, de 63 anos, asasinado unha noite despois de tortura.

Que sirvan os seus nomes para lembrar a todas as persoas que morreron ou foron represaliadas por causas políticas en Sober (con 356 persoas encarceladas entre 1936 e 1940 temos unha das porcentaxes de detencións máis altas de Galicia).

O Luis – chamámolo así en plan informal porque, coma o resto dos concelleiros e concelleiras deste pleno, é amigo e veciño – pode ser un gran xestor, sen dúbida. Pero, xestionar non o é todo: hai que ter unha idea clara de sociedade. Nós queremos unha sociedade xusta, sen explotación de ningún tipo, onde cada quen poida desenvolver as súas capacidades persoais… Por iso, o Bloque Nacionalista Galego, apoiará todas as iniciativas que vaian nesa liña – e, como sempre fixemos, seguiremos a aportar as nosas propias propostas. Malia este apoio nas cuestións que beneficien a Sober e que axuden a construír un Sober con futuro, non podemos apoioar a investidura do candidato do PP porque non imos votar a partidos que defenderon sempre aos poderosos e machacaron aos débiles (apoio a rescatar os bancos causantes da crise con cartos públicos, elevación dos impostos indirectos ou a entrada na Unión Europea: que sería hoxe de Sober se nos deixaran producir o leite que podiamos producir, por exemplo?). Tampouco podemos apoiar, nin o mínimo, a un Partido Popular – irónico nome – que está dende a Xunta a destruír Galiza alí onde pode e como pode: recurtando e privatizando servizos públicos, coma a Sanidade, permitindo concesións empresariais en paraxes naturais únicos, aprobando un imposto sobre o consumo de auga, cobrar polo feito de consumir auga, non por derrochala, senón polo feito de beber, un goberno corrupto e falaz-mentiroso (onde quedou a promesa de rematar co paro en 45 días cando Galiza rexistrou a maior subida do paro do Estado?) e o único goberno do mundo que lexisla en contra da lingua propia do seu país - por certo, que Manuel María, a quen citou o alcalde, era gran defensor da lingua -. Así que, sinceramente, non queremos que o alcalde siga o exemplo da Xunta, como acaba de manifestar que vai facer.

Descupade que falemos aquí, en Sober, de Galiza, pero é que Sober está na Galiza, como está no mundo, e non podemos ignorar tampouco os problemas globais: a desigualdade, o expolio aos países do Sul, o deterioro medioambiental… A xente de Sober imos ter que resituármonos nese contexto de crise – as cousas vanse poñer aínda máis duras –, e temos a capacidade de facelo: desenvolvendo o noso sector agrario, por exemplo, para que poidamos vivir en Sober.

Deste xeito, queremos que esta sexa a lexislatura do aproveitamento das nosas potencialidades, a lexistalura do respecto polo medio ambiente, a lexislatura duns servizos sociais orientados á integración de todas as persoas na vida social, á convivencia. Un servizos sociais que tomen en serio as situacións de exclusión social e maltrato e que non consideren ás persoas maiores coma meros obxectos: as persoas somos moito máis que un voto.

E, por suposto, queremos que esta sexa a lexislatura da democracia, a real, a participativa, a das asembleas parroquiais, onde se informe á xente do que se pode facer en cada parroquia e cómo facelo, a das comisións de temas específicos, a da xente que poida elixir en que se gastan determinadas partidas orzamentarias.

Iso sí, nós queremos facer dos concellos institucións que permitan aínda máis esa participación e cunha lei que se adapte á realidade galega. Inda hoxe, desgraciadamente, está vixente en parte un texto de Castelao do Sempre en Galiza, de hai máis de 70 anos:

“O municipio rural de Galicia é o tobo da raposería caciquil. Ao botarmos unha ollada sobor do territorio galego é doado advertir que a poboación está distribuída en “natural desorde”, en evidente contraste cos módulos de agrupamento social en Castela e demais rexións hespañolas… Fóra das vilas e cibdades… o municipio en Galiza é un órgano arbitrario, delimitado artificialmente e cunha función simulada. O esprito nivelador do Estado centralista impúxonos un réxime local estraño ás características demográficas do noso país… O Concello rural de Galiza non se asenta en entidades naturais ou históricamente diferenciadas, e nesas condicións carede de alento vital e de control efectivo para que a súa xestión ofreza garantías de acerto”.

E, por último, lembremos sempre que a democracia non só está aquí nestas catro paredes: está nas xentes que, xeración a xeración, fixeron de Sober o que é. Foi grazas ao traballo e vida da xente común todo o que temos (o viño, a paixase da ribeira, as igrexas románicas ou o campo de fútbol): ha de ser a xente común, participando nun proxecto común en igualdade, a que transforme Sober. Sen non se conta coa xente, o que se poida facer dende este Concello, aínda que sexa espectacular e saia na televisión, non vale para nada.

PLENO DE CONSTITUCION DA NOVA CORPORACIÓN

2011-06-10T14:08:00.000+02:00

Dentro de dez horas, ás 00:01 do 11 de xuño, iniciarase o pleno de constitución da corporación municipal da lexislatura 2011-2015 e procederase á elección de alcalde.

Nuns días daremos conta do que deu de si a xuntanza.

RESULTADOS DAS MUNICIPAIS DE 2011 EN SOBER

2011-05-23T16:19:00.002+02:00

Altísima participación. O PP baixa un concelleiro, quedando con 7 (59,50%), o BNG mantense con 2 concelleiros (18,26%) e o PSOE sobe, acadando 2 concelleiros (21,39%).
Sober foi o único concello da zona no que baixou o PP.

* Compáranse os datos coas eleccións municipais do 2003 e do 2007.

1. DATOS XERAIS

· Censo electoral: 2.396 [O censo electoral descendeu en case 1000 persoas porque unhas 650 corresponden a residentes ausentes que nestas eleccións xa non podían votar].

[2007: 3.324 / 2003: 3.488]

· Votantes: 1.897 (79,91%) [A participación foi unha das máis altas da historia en Sober, comparable á das eleccións municipais de 1999 e ás xerais de 2008].

[2007: 2.234 / 2003: 2.482]
· Abstención: 477 (20,09%)

[2007: 32,79% / 2003: 28,4%]
· Votos en branco: 16 (0,85%)
· Votos nulos: 8 (0,42 %)
[2007: 15 votos en branco e 18 nulos]

· Concelleiros: 11

- PP: 1.124 (59,50%) 7

[2007: 1562 (70,49%) - 8 / 2003: 1.655 (66,44%) – 8]

- BNG: 345 (18,26 %) 2

[2007: 404 (18,23%) / 2003: 156 (6,26%) – 0]

- PSOE: 404 (21,39 %) 2

[2007: 234 (10,56%) 1 / 2003: 373 (14,97%) 2]

[2003: INGA: 298 (11,96%) 1]

2. VOTOS A CANDIDATURAS POR MESAS ELECTORAIS
* A cifra en violeta corresponde ás eleccións de 2003; a laranxa ás de 2007; a vermella ás de 2011.

SOBER [Millán, que votaba en Sober, vota agora en ROSENDE]

PP - 328 - 341- 236

PSOE - 106 - 39 - 51

BNG - 42 - 116 - 95

NEIRAS

PP - 210 - 190 - 146

PSOE - 41 - 25 - 29

BNG - 12 - 31 - 44

CANAVAL

PP - 111 - 111 - 78

PSOE - 53 - 52 - 47

BNG - 31 - 57 - 48

DOADE [Inclúe Brosmos, que votaba na mesa de BULSO]

PP - 136 - 129 - 124

PSOE - 19 - 19 - 42

BNG - 15 - 24 - 27

LOBIOS [Inclúe Santiorxo e Bulso, que votaban en BULSO]

PP - 185 - 148 - 126

PSOE - 13 - 13 - 45

BNG - 1 - 31 - 32

BULSO [No 2011 a mesa de Bulso pasou a votar a DOADE]

PP - 183 - 144

PSOE - 16 - 7

BNG - 13 - 30

BOLMENTE [Inclúe Figueiroá, que votaba na desaparecida mesa de BULSO]

PP - 124 - 133 - 124

PSOE - 32 - 10 - 43

BNG - 10 - 38 - 51

ANLLO

PP - 255 - 232 - 165

PSOE - 57 - 26 - 109

BNG - 12 - 51 - 31

ROSENDE [Este ano inclúe Millán, que estaba en SOBER]

PP - 113 - 129 - 126

PSOE - 36 - 25 - 38

BNG - 16 - 26 - 17

O PP baixou en todas as mesas, manténdose en Rosende (que este ano inclúe Millán), Bolmente (que incorpora Figueiroá) e Doade (que incorpora Brosmos), cunha gran baixada en Anllo, Neiras e Sober (hai que ter en conta que nesta mesa votaban os residentes no exterior). O PP só se mantén en mesas nas que aumentaron as parroquias a votar.
O PSOE sube en todas as mesas menos en Canaval, onde se mantén, coas maiores subidas en Anllo, Lobios, Bolmente e Doade.
O BNG sube en Neiras e Bolmente e baixa en Anllo e Rosende, manténdose no resto das mesas máis ou menos.
Aínda que o PP segue a ser a forza máis votada en todas as mesas, perde a maioría absoluta na mesa de Canaval (onde PSOE e BNG suman 17 votos máis cá o PP). PSOE e BNG acurtan distancias co PP en todas as mesas, sobre todo en Bolmente (a 30 votos do PP) e Anllo (a 25 votos do PP).

GRAZAS

2011-05-23T01:09:00.000+02:00

345 millóns de agradecementos, bicos e sorrisos. O nacionalismo de esquerdas de Sober mantivo os seus dous concelleiros e a súa porcentaxe, obtendo o 18,26 % dos votos, un chisco máis que no 2007. Parabéns aos demais candidatos ás eleccións.

Seguiremos no combate.

MITIN - PRESENTACIÓN DO PROGRAMA

2011-05-18T21:53:00.000+02:00

Este venres, 20 de maio, día de peche da campaña, mitin do BNG en Sober, na Casa da Cultura ás 20:30 horas. Presentación do programa electoral.

Falarán:

* Diego Xesús López González - Responsábel Local do BNG
* Isabel Sánchez Montenegro - Deputada do BNG no Parlamento Galego
* Óscar Alonso Díaz - Nº 3 da candidatura
* Paula Vázquez Verao - Nº 2 da candidatura
* Xesús Verao Pérez - Nº 4 da candidatura
* Alfonso Campos Pérez - Candidato á alcaldía de Sober

NOVA XENTE, VELLOS USOS

2011-05-18T12:34:00.000+02:00

CARTA ABERTA DO CANDIDATO NACIONALISTA Á ALCALDÍA DE SOBER

Estamos en época electoral, mala época, ao mellor, para facer un exercicio de obxectividade, época na que cada quen vemos o que nos interesa ver e fechamos os ollos para aquello que non vai cos nosos intereses. Vaia iso por diante: é a dúbida o exercicio máis liberador e ecuánime, o antídoto máis eficaz contra o fanatismo.

Alí onde os seres humanos fomos conquistando os dereitos de cidadanía fronte ao estado de servidume, as persoas non só somos obxectos políticos, senón, e sobre todo, suxeitos políticos. Por iso, non me dou acostumado, elección tras elección, a que esta dereita de Sober siga - como dicía Almudena Grandes o outro día - considerando o territorio e o poder político coma un dereito que lle vén por herdanza, e, por suposto, e con estas premisas, seguen considerando aos cidadáns coma os servos de antano.

Andan estes días algún persoal do Concello a fume de carozo, coa adrenalina subida, porque, ao parecer, outro ano máis, lles encargan a urxente labor de facilitar o voto por correo da xente máis maior e con diversos problemas que nin sequera manifestou a súa vontade de facelo. Non serei eu quen lle quite a ninguén o dereito a votar por correo; é máis, animo á xente que teña dificultades o día da xornada electoral a que exerza o seu dereito ao voto postal. O que non dou entendido é por qué un determinado partido considera aos votantes coma meros obxectos políticos, como artigo de cambio, coma mera mercadoría; non dou entendido por qué se utiliza aos traballadores como servos e que mesmo, algúns deles, nas súas horas de traballo nas oficinas municipais se adiquen a “traballar” “amañando” o voto por correo para un determinado partido político que, para máis, a xente deste Concello vén refrendando democraticamente elección tras elección.

Queda moi ben presumir das altas porcentaxes do PP en Sober pero…”nulla estetica sine etica”.

Nova xente, vellos usos.

PROGRAMA NACIONALISTA PARA TRANSFORMAR SOBER

2011-05-10T17:00:00.000+02:00

Xa podes descargar o programa electoral do BNG de Sober, premendo aquí, ou léndoo on-line abaixo.

Programa de goberno do BNG de SOBER (2011)

O PP INCUMPLIU CASE TODO O PROGRAMA ELECTORAL

2011-05-10T12:30:00.007+02:00

* Despois de tantos anos, a maioría das parroquias seguen sen traída de augas pública nin saneamento.

* Nin desenvolveron o polígono industrial nin crearon o viveiro de empresas.

* Non promoveron dende o Concello o arranxo das prazas nas parroquias nin a mellora da praza de Sober.

* Non se fixo o plan de sinalización dos núcleos: os turistas séguense a perder.

* Moito prometeron a lavandería, e diso non se viu nada, como tampouco do servizo de acompañantes á terceira idade nin do salón de baile para as fins de semana.

* Prometeron centros sociais en todas as parroquias, pero non contribuíron a iso.

* Non se crearon os puntos para recollida de envases de fitosanitarios.

* Non instalaron puntos de auga comunitarios na ribeira.

* Non se fixo nada nos ríos para ter lugares onde poder bañarse.

* Nin museo da música, nin aulas de formación, nin locais de ensaio: o goberno do PP non cumpliu co sector musical.

* Non crearon a feira da augardente.

Os programas electorais son para cumplilos cando se goberna, son un contrato coa cidadanía. O PP pode prometer o que queira, que demostrou que as súas promesas non valen para nada: incumpliron practicamente todo o programa!

DEBATE EN RADIO PRINCIPAL

2011-05-09T21:20:00.000+02:00

O martes, 10 de maio, Manola Porto conducirá un debate na radio entre as candidaturas que se presentan ás eleccións municipais en Sober.

Será ás 12:00 en Radio Principal Monforte - Cadena Ser.

SINALIZACIÓN DE VERTEDOIROS

2011-05-08T13:40:00.000+02:00

Dada a imposibilidade de celebrar a IIª xornada de sinalización de vertedoiros de Sober na semana de Pascua, pola intensa choiva, queda esta para o verán, cando pase este tempo de eleccións, exames e demais compromisos.

Máis info sobre o que imos facer aquí.

UNHA CANDIDATURA PARA TRANSFORMAR SOBER

2011-05-05T23:47:00.002+02:00

Como esta noite empeza,

a campaña electoral,

imos presentarvos hoxe

á xente do be-ne-gá.

O candidato á alcaldía, o Alfonso da Cortesa, é, en palabras do Óscar, "o mellor dos candidatos que pode ter Sober para a alcalde, ou presidente dunha asociación cultural, ou veciñal, ou para calquera organismo no que veciños e veciñas estén presentes, porque é esa clase de xente que se preocupa do ben común antes que do propio. Nunca vin a ninguén tan namorado desta terra e das súas xentes."

Alfonso Campos Pérez é do Cima do Lugar de Francos de Proendos, músico, de profesión e afición, electricista titulado, peón de canteiría e arqueoloxía, labrego e cincuenta cousas máis. Sobre todo, é un bo veciño, o mellor que se poida ter.

De segunda vai unha rapaza que aínda non rematou a carreira de Historia - niso anda -. Paula Vázquez Verao é de Neiras e participa en, ás veces, demasiadas asociacións. Ten desempregado e desemprega pequenos traballos de mestra de música e guía turística.

No terceiro lugar, Óscar Alonso Díaz, de Veliños, Santiorxo, traballador en Factorias Fernández, de Sober, viñateiro - ribeirao de raza - e voz excepcional. Combativo e xuizoso onde os haxa.

De número cuarto, Xesús Verao Pérez, toda unha institución no ensino e na viticultura. Director do IES Río Cabe, mestre de galego, adegueiro e tamén músico - e van xa catro na candidatura - é un histórico do nacionalismo galego na comarca, concelleiro do BNG en Sober en varias lexislaturas.

De quinto, Esteban José Sánchez López, operario nun taller de coches en Monforte e veciño das terras de Canaval, onde sempre está a pé do canón defendendo os dereitos da parroquia.

No sexto posto, o entrañábel e moi traballador Javier Vivirido Salgado, de Anllo San Martiño, imparte cursos de manipulador de fitosanitarios, traballa en prevención de incendios e en asociacións. Gran coñecedor do medio rural do municipio.

De séptimo, Juan Carlos Piñeiro Vázquez, autónomo no sector da construcción, de Refoxo, foi concelleiro do BNG en Sober.

No oitavo posto, un excelente mestre de Historia en Chantada, bo canteiro, "manitas" en xeral, viñateiro e gran cervexeiro: Diego Xesús López González, de San Martiño, Arroxo.

De noveno, Antonio Carcieri Domarco, panadeiro en Vilaescura, onde coce unhas bicas exquisitas.

No número dez, Ramón Martínez Díaz, traballador en prevención de incendios, das terras de Doade.

Pechando a lista, Manolo "da Carqueixa", Manuel Rodríguez Rodríguez, traballador nos xulgados de Monforte e vocal do Consello Regulador da DO Ribeira Sacra como viticultor.

Fondos agradecementos a todas as persoas da lista e a todas aquelas que en todas as parroquias de Sober colaboran co BNG.

O PP non suprimiu o canon da auga, como reclamaba o BNG

2011-05-04T12:56:00.000+02:00

A deputada Isabel Sánchez pediu a derrogación dos novos tributos e defendeu a exención para persoas paradas, familias numerosas e sectores da poboación que, antes da nova lei do PP, non estaban obrigados ao seu abono

Santiago de Compostela, 3 de maio de 2011. –Pleno. O PP rexeitou a Proposición de Lei defendida, hoxe no Parlamento galego, pola portavoz de Medio ambiente do BNG, Isabel Sánchez na reclamaba modificar a Lei de Augas de Galiza por seren “recadatoria”, penalizar os usos domésticos fronte aos industriais e prexudicar “gravemente” aos residentes do medio rural.

O PP amosa medo electoral

Para a deputada nacionalista, “os medos electorais” do Partido Popular fixeron que o propio Conselleiro de Medio Ambiente afirmara que non ten intención de aplicar o novo marco tributario contido nesta Lei e neste punto, cominou ao Goberno galego a derrogar o “Título 4º na súa integridade” para elaborar un novo marco máis xusto e equitativo.

Sánchez lembrou que o BNG manifestou a súa oposición a Lei de Augas de Galiza durante a súa tramitación pero o PP decidiu aprobala e introducir un novo imposto sobre sectores de poboación que, até a súa entrada en vigor, permanecían exentos.

Para a deputada nacionalista, no momento de crise económica que estamos a vivir, faise necesario estender a exención do canon ao colectivo de paradas e parados e as familias numerosas.

Só o PP defende esta lei

Na súa intervención, Sánchez asegurou que o Goberno galego ten a oportunidade de dar marcha atrás a unha medida que o propio Consello Económico e Social cuestionou no seu incremento da presión impositiva sobre a cidadanía, familias e empresas.

Sánchez tamén aludiu ao rexeitamento da poboación galega a esta norma como se puido constatar a través de “dez mil sinaturas” presentadas no Rexistro do Parlamento de Galiza para reclamar a súa derrogación.

Lei recadatoria

A deputada insistiu en que só o Partido popular votou a favor desta lei o pasado mes de outubro e lembrou que o BNG amosou o seu rexeitamento á normativa por non introducir “melloras nas augas galegas” e perseguir como “único obxectivo” modificar o réxime económico do uso da auga para incrementar a recadación tributaria.

“Non engade a protección das augas, non establece ningunha estratexia contra a súa contaminación e non deseña unha política eficaz para o seu uso” dixo a nacionalista, pero -engadiu-, crea dous novos tributos que prexudican gravemente á poboación do medio rural.

A nacionalista explicou que a cota do canon quedará fixada en cinco euros ao mes para as industrias e para as familias galegas 1,5 euros e nos usos domésticos, en función do consumo e membros da unidade familiar, poderían verse incrementos en ata tres veces máis.

Sánchez afirmou que coa nova normativa, os núcleos que superen os 2.000 habitantes non quedarán exentos do canon da auga que procedan de pozos ou traídas de auga, imposto contemplado no artigo 45.

A lei non gravará a auga para instalacións deportivas, regos e extinción de incendios “que serán as únicas exencións” o que ao xuízo da deputada do BNG, o PP volve a mentir ao afirmar que pozos e traídas veciñais non están sometidos ao canón da auga.

O GOBERNO DE FEIJÓO: UNHA DESGRAZA PARA GALIZA

2011-05-02T14:02:00.000+02:00

* Agora que Feijóo nos ven dar un mitin a Sober na Casa da Cultura - esa Casa da Cultura que os anteriores gobernos locais do PP negaban para celebrar actos políticos en campaña electoral * - cremos convinte enumerar algúns aspectos do goberno do PP de Galicia que supoñen, ao noso entener, unha catástrofe para a nosa nación.

* Galiza alcanza o récord de 226.000 persoas en paro; 26.000 máis que hai un ano. A maior subida do paro do Estado. E seica ían acabar co paro en 45 días!

* Interrompeuse a construción de centros de día, residencias, escolas infantís e gardarías de titularidade pública e medran as concesións privadas.

* Aumentan as listas de espera sanitarias, colápsanse as urxencias e comeza a privatización da Sanidade.

* A Lei de Augas do PP grava cun imposto indirecto o ben básico que é a auga e ameaza coa súa privatización.

* Pretende aprobar unha Lei de Montes que ameaza o funcionamento democrático das comunidades de montes e favorece ás grandes empresas.

* O modelo educativo do PP galego prima valores coma a separación por sexos nas aulas, o ensino relixioso e o castelán por riba do galego nos plans escolares.

Dende os concellos tamén nos opoñemos ás políticas destrutoras do PP na Xunta, dirixidas por quenes só usan as administracións públicas para beneficio das empresas dos seus amigotes.

* O día 5 de abril o BNG de Sober presentamos no Concello unha petición dirixida ao alcalde demandando “que a Casa da Cultura sexa o local público dispoñíbel para actos electorais na campaña electoral das eleccións municipais de 2011”, sendo esta atendida de xeito favorábel. Así, é a primeira vez que esta vella demanda do BNG de Sober é tida en conta polo goberno local, polo cal agradecemos ao actual alcalde de Sober a súa boa disposición para dar este paso na normalización da vida democrática do noso pobo. Os anteriores gobernos do PP nunca accederon a usar a Casa da Cultura para actos políticos.

Goberno anano, goberno de ananos

2011-04-30T23:21:00.000+02:00

Imaxe tomada do blog Reptocracia

Xavier Vence Deza

Os dados de paro, consumo e investimento do último trimestre revelan, unha vez máis, o fracaso das políticas chamadas de austeridade que, como vimos denunciando desde hai ben tempo, son pro-recesivas e pro-estancamento. Galiza alcanza o récord dos 226.000 parados na EPA (os rexistrados son xa 250.000); 26.000 máis que hai un ano, mesmo perdendo outras 4.500 persoas en idade activa. Xa poden retorcer as cifras e facer as comparacións que queiran que iso nin alivia nin permite ocultar o estrepitoso fracaso das políticas quer do Goberno Central quer da Xunta de Galicia.

Pero a peor debacle é a indolencia dos responsables políticos, supostamente colocados aí para enxergar solucións pero cuxo único programa parece ser a resignación e máis recortes: en investimento público, educación, sanidade, I+D... Semellan crer que todo se arranxa cun goberno máis pequeno. Efectivamente, para quen non ten proxecto todo goberno é malo, sexa grande ou pequeno. Para quen chega ao goberno sen programa, o discurso da austeridade pode ser unha boa coartada pero a cidadanía, por moito que se lle adoutrine, pronto empezará a preguntar para que serve un goberno. Non será só para aforrar ou contentar aos aduladores e clientes intereseiros das redes gubernamentais!

Iso e non outra cousa explica que os cidadáns sitúen aos políticos na enquisa do CIS como o terceiro problema do país. Ninguén pode entender que se paralice e estrangule a principal empresa do país; ninguén pode recomendar a unha empresa que non pida un crédito para investir nun proxecto con futuro, que vai satisfacer unha necesidade clara. Iso si, nos momentos de dificultade –e sempre– o que si deberá ter claro quen estea á fronte da principal empresa do país é a escala prioridades: seguir facendo autovías cara ningures porque hai florentinos que piden negocio ou manter e mellorar o investimento en talento, innovación, cultura e saúde da poboación?

O certo é que ese ananismo achanda o terreo para outros recortes asimétricos. Os ingresos salariais caen e o consumo minorista diminúe nun 8,6% no último ano (mesmo un 5,5% en alimentación), ao tempo que os prezos soben un 3,8% grazas ás políticas de prezos consentidas aos grandes oligopolios (eléctricas, petroleiras, telefónicas, etc) e a suba dos regresivos impostos indirectos (IVE, Canon de auga, Tabaco, etc).

Con razón eses oligopolios presentan abultados beneficios e renden altos dividendos aos accionistas (incluída a banca e os fondos) e fabulosos soldos aos altos executivos: 9,2 millóns de euros para A. Sáenz, 5,3 para F. González, 3,8 para Botín, uns 8-9 para Alierta ou 36 para Florentino Pérez. Iso a maiores dos dividendos! En fin, se estes señores precisan “máis confianza”, como pregoan Feijóo e Rajoy, habería que empezar a pensar que o problema seu é de tal calibre que nin unha prolongada terapia da psiquiatría máis agresiva podería devolverlles a tal estado.

Alguén terá que explicarlles a eses señores que a crise tamén vai con eles; máis aínda, que o modelo que lles permitiu acumular fortunas fabulosas en tempo récord é insostible e inviable a longo prazo. E nos lles quedará outra que aceptar uns tempos de negocios menos fulgurantes e máis pegados á creación de riqueza real e, mesmo, asumir un certo sacrificio reinxectando parte da súa fortuna para realimentar o fluxo de actividade, emprego e salarios que permitan unha recuperación se non queren poñer en perigo o propio edificio no que se asenta a súa inmensa fortuna e arriscarse a desenlaces máis traumáticos.

Porque niso tamén discrepo de Feijóo e Rajoy, o problema é que ese 0,1% da sociedade está tan apoltronada na pirámide do poder que posiblemente padeza un síndrome de exceso de confianza. É posible que chegaran a crer que a corda pode tensarse indefinidamente pero, a pesar das apariencias, eu deles non estaría tan seguro.

temas para o debate - A SITUACIÓN FINANCEIRA DE SOBER É INSOSTÍBEL

2011-04-27T11:36:00.003+02:00

Iniciamos esta sección para animar o debate de cara ás eleccións de maio, pois o que importa é que, froito do debate, sexamos quen de darlle solución aos problemas do Concello. Dende o BNG de Sober lembramos que estamos abertos a propostas da cidadanía para o programa electoral.

O Concello de Sober endebédase cada ano e non busca solucións para sanear as finanzas

O BNG denuncia o caos financeiro do Concello

[NOTA - Coa esta nota pública sobre as finanzas do Concello de Sober emitida hai días polo BNG de Sober pretendiamos abrir un tema de debate de cara as municipais, no sentido de que as forzas políticas que nos presentamos ás eleccións nos pronunciemos sobre cal é o noso modelo de orzamentos para Sober.

O BNG propón eleborar un “plan de saneamento financeiro un plan de emprego que atenda ás necesidades concretas de persoal” porque cremos que non se pode continuar con tal elevado nivel de gasto corrente e persoal e tan poucos cartos para inversións reais. O modelo financeiro que o PP de Sober non é o noso. Cremos, ademais, que melloraría a situación financeira dos concellos galegos coa supresión das Deputacións, transferindo as súas competencias e financiamento á Xunta e concellos, coa creación de comarcas e áreas metropolitanas.

Non pretendemos culpar ao actual alcalde da situación actual pois, reiteramos, el, polo menos, está a tratar de pagar todo o que a había pendente de anos anteriores.

É obvio que recorrer a un recoñecemento extraxudicial de créditos non é recorrer a financiamento externo, pero recorrer sistematicamente a este procedemento para atender gastos correntes revela incapacidade financeira do Concello e improvisación no tema dos orzamentos.

Os datos que publicamos sobre a estrutura de gasto do Concello foron tomados das actas dos plenos do Concello de Sober; o único que está incorrecto é o do gasto en alumeado público, que corresponde á factura total de FENOSA mes a mes, que engloba máis gasto eléctrico que o alumeado público.]

O orzamento do Concello para cada ano apróbase, sistematicamente, nese mesmo ano contábel, fóra do prazo legal (habería que aprobalo antes do 1 de outubro), evidenciando a falta de planificación sobre os gastos e ingresos anuais por parte do goberno local.

Os elevados gastos correntes (luz, gasoil, tratamento de lixo…) – aproximadamente un 25 % do orzamento anual – fan que as partidas deste capítulo, para as que se asigna menos do necesario, queden sen cartos antes de rematar o ano, co que o goberno local ha de pedir un crédito – baixo a figura de “recoñecemento extraxudicial de crédito” – para pagar o ano seguinte os gastos do ano anterior. O sistema é tan irracional que mesmo o goberno local do PP ten aprobado en Xunta de Goberno gastos para os que xa non había crédito.

Ou tomamos en serio os orzamentos e elaboramos un plan de saneamento financeiro ou o Concello acabará en quebra. Isto é posto de manifesto polos propios informes da Secretaría sobre os orzamentos, coma o de 2010, que di que “ou se leva a cabo unha política de control de gasto ou a maioría das partidas do capítulo II (gastos correntes) quedarán sen crédito antes de rematar o ano”, que é o que sucede sistematicamente.

Cómpre un saneamento económico do Concello, que inclúe, citando un informe imparcial da Secretaría do Concello, “elaborar un plan de emprego que determine as concretas necesidades de persoal”, unha partida que absorbe máis ou menos un 50% dos gastos do Concello cada ano.

Hai que recoñecer que, polo menos, o actual alcalde está a tratar de pagar o que se debe, a diferencia da anterior alcaldesa, que deixou numerosos pagos pendentes e un Concello mal organizado, que se manifesta, por exemplo, en que a maior parte das facturas daquel periodo non foron rexistradas no Rexistro Xeral municipal. A anterior alcaldía nen sequera puxo en coñecemento do Pleno a gravidade da situación, mentres que hai que recoñecerlle ao actual alcalde que leva todos estes asuntos ao Pleno.

De fondo está tamén a evidente falta de autofinanciamento das entidades locais e a necesidade de reformar o actual sistema municipal - que actualmente prima ás grandes cidades - no sentido de contemplar no financiamento dos concellos variábeis coma a dispersión poboacional do noso país, o avellentamento ou a extensión territorial do municipio. E se lle engadimos a dilapidación e gasto incontido da anterior alcaldesa - que continúa na lista electoral do PP de Sober - e a falta de xestión e control financeiro chegamos a esta situación próxima a quebra económica que xa está a traer prexuízos e falta de servizos e infraestruturas aos veciños e veciñas de Sober (as inversións reais ocupan menos do 20% do orzamento).

O grupo nacionalista de Sober asumimos como compromiso, no noso programa electoral, a elaboración dun plan de saneamento financeiro e dun plan de emprego que atenda ás necesidades concretas de persoal. Ademais, é urxente un plan de aforro enerxético, para reducir o elevado gasto en ~~alumeado público~~ luz (máis de 25.000 euros ao mes e máis de 300.000 euros cada ano).

II XORNADA DE SINALIZACIÓN DE VERTEDOIROS DE SOBER

2011-04-18T14:51:00.004+02:00

~~Xoves, 21 de abril de 2011.~~

~~17:30 horas~~ Queda para a semana vindeira, por causa da choiva. Xa avisaremos.

SOBER

Novamente, tiramos do GPS para sinalizar algúns dos centos de vertedoiros incontrolados de Sober.

Será este xoves, 21 de abril, saindo de Sober ás 17:30, diante do Casa do Concello. Podedes anotarvos para participar en benegasober@hotmail.com

Como fixeramos no 2007, sinalaremos nun mapa, indicando as coordenadas UTM, a situación de distintos vertedoiros e entregarémosllos ao Concello de Sober para demandar as seguintes cuestións (que xa foron expostas nunha moción do BNG rexeitada polo PP):

1. que se realice un inventario exhaustivo, por parroquias, dos vertedoiros existentes no Concello de Sober, coa colaboración de persoas voluntarias.

2. que se consulte con expertos en Medio Ambiente sobre a solución que se lle debe dar a cada vertedoiro, sobre todo aos de maiores dimensións.

3. que se proceda á recollida selectiva dos restos reciclábeis e ao selado dos vertedoiros, onde sexa posíbel.

Ademais da resposta que debería dar o Concello a este problema medioambiental que supoñen os "mil e un vertedoiros" de Sober, o fundamental é que nos concienciemos toda a sociedade de que a merda non desaparece, só se transforma, e que a cuestión do lixo non é ó estética - que tamén -, senón que os vertedoiros contaminan o medio, a nosa Terra, o único planeta que temos para vivir, chegando a ser un problema de saúde ambiental se esta contaminación se filtra ás augas que bebemos, á terra que cultivamos...

O que podemos facer, cada un/unha de nós:

- non tirar lixo no monte e levar os trastos e escombro ao Punto Limpo que, por fin, funciona: en Canaval, os luns e xoves pola mañá (consultar aquí o funcionamento).

- consumir menos, evitando, no posíbel, o sobreempaquetado, as bolsas de plástico... reutilizar...

- levar unha bolsa para recoller pequenos refugallos cando imos pasear (latas, bricks, botellas..., que se atopan por moitos camiños).

Animádevos a participar, sexades ou non do BNG: esta é unha loita que nos atinxe a tod@s!

DOCUMENTACIÓN SOBRE A LEI DE AUGAS

2011-04-17T22:56:00.001+02:00

Na web do Sindicato Labrego Galego atopamos cumprida información sobre a Lei de Augas de Galiza, que podedes consultar aquí.

CANDIDATURA DO BNG DE SOBER ÁS MUNICIPAIS DE 2011

2011-04-11T00:18:00.004+02:00

Alfonso Campos con Paula Vázquez Verao e Óscar Alonso Díaz,

nos primeiros postos da candidatura do BNG de Sober.

O BNG de Sober presentou a candidatura ás municipais de 2011 nun xantar de traballo con militantes e simpatizantes, ao que tamén asistiu unha representación do BNG de distintos puntos da comarca.

Despois de Alfonso Campos Pérez, candidato á alcaldía, irán Paula Vázquez Verao, de Neiras, no número dous, Óscar Alonso Díaz, de Santiorxo, Xesús Verao Pérez, histórico representante do BNG de Sober, e Esteban José Sánchez López, de Canaval.

Detrás dos once nomes integrantes da lista hai outras tantas persoas, de todas as parroquias de Sober, que colaborarán co BNG na campaña e que compartirán as responsabilidades derivadas do resultado das eleccións. Como dixo Alfonso Campos, o grupo nacionalista de Sober é unha asemblea no que todas as persoas teñen voz e comparten as decisións e responsabilidades.

O BNG de Sober está en proceso de redacción do programa electoral, para o cal está aberto a propostas de toda a cidadanía.

Alfonso Campos, Óscar Alonso e Xesús Verao

nun momento distendido do xantar.

CANDIDATURA NACIONALISTA AO CONCELLO DE SOBER

1. Alfonso Campos Pérez, Proendos.

2. Paula Vázquez Verao, Neiras.

3. Óscar Alonso Díaz, Santiorxo.

4. Xesús Verao Pérez, Barantes.

5. Esteban José Sánchez López, Canaval.

6. Javier Vivirido Salgado, Anllo San Martiño.

7. Juan Carlos Piñeiro Vázquez, Refoxo.

8. Diego Xesús López González, Arroxo.

9. Antonio Carcieri Domarco, Vilaescura.

10. Ramón Martínez Díaz, Doade.

11. Manuel Rodríguez Rodríguez, Proendos.

ASEMBLEA LOCAL DO BNG DE SOBER

benegasober@hotmail.com

674473695

PRESENTACIÓN DA CANDIDATURA ÁS MUNICIPAIS (2011)

2011-04-04T13:00:00.000+02:00

O vindeiro domingo, 10 de abril, faremos pública a candidatura nacionalista ao Concello de Sober.

Se desexas compartir un xantar connosco, podes enviar un correo electrónico a benegasober@hotmail.com antes do 7 de abril.

Coa túa forza, hai futuro!

Analfabetos e ladróns

2011-04-02T22:31:00.001+02:00

Martiño Noriega en A Nosa Terra

Moito se ten dito e tamén escrito sobre a nova Lei de augas de Galiza aprobada en solitario polo Partido Popular e publicada no DOG en Novembro de 2010. Esta nova lei, ou como ben argumentou Xosé Manuel Beiras “este roubo da auga” nunha serie de artigos lúcidos publicados no Galicia Hoxe, supón unha encuberta privatización na xestión da auga cun organismo unificado responsábel, Augas de Galicia, entidade de dereito público que axustará a súa actuación ao dereito privado e ao mesmo tempo, cuantifica o uso da auga converténdoo nun produto de primeira necesidade sometido a un prezo a través dun canon que grava, non só o consumo das augas de servizos públicos (traídas municipais), senón tamén aquelas procedentes de captacións propias particulares (pozos) ou colectivas (traídas veciñais), impulsadas no seu momento diante da inexistencia de servizos públicos. Estamos diante, polo tanto, dun texto que troca a estrutura de xestión da auga e ten un evidente afán recadador, incluso naqueles aspectos onde existiu unha inanición da acción pública. Moitas teñen sido as voces críticas (BNG, SLG, etc.) que alertaron destas cuestións nunha defensa dun ecoloxismo social que non acepta a privatización encuberta da Lei de augas e que combate un feudalismo público que quere cobrar por servizos non prestados. Moitos teñen sido os actos de información cidadá na que se tentou contrarrestar a desinformación interesada do actual Goberno autonómico. Durante todo este tempo no que incluso existiron mobilizacións cidadás como a de Compostela, os responsábeis do Goberno pasaron da non resposta a impulsar unha interesada desinformación, alimentada con declaracións insubmisas ao cumprimento de aspectos da lei. Nese senso asistimos a afirmacións do conselleiro responsábel que, sen derrogar cuestións sensíbeis da lei, comprometía a súa presenza no cargo para non aplicalas ou declaracións lamentábeis do presidente da Xunta no derradeiro debate do Estado da Nación onde se refería ás posicións críticas informativas como “sei que por aí andan panfletos”. Mais para os nosos responsábeis de goberno non existen límites e non contentos con desinformar, impulsaron unha campaña de divulgación da lei en diversos medios de comunicación, campaña pagada con cartos públicos que recollía, dentro das “sensibilidades do novo canon universal”, a bonificación nun 90% para as traídas veciñais e a exención no pago dos pozos particulares, feitos que en realidade non se contemplan nin no preámbulo, nin no articulado, nin nas disposicións ou anexos da lei. O contido do anuncio resulta máis enganoso, toda vez que o articulado da nova lei si recolle textos que, en principio, contradín as informacións do anuncio. Dende o Concello de Teo, aldea gala no imperio romano, como administración implicada no desenvolvemento da lei nese rol encuberto de policía municipal que contempla, solicitamos a retirada da campaña e a súa rectificación. O primeiro conseguímolo, polo segundo estamos agardando mais o que resulta sorprendente son as declaracións do presidente de Augas de Galicia nun medio de comunicación radiofónico (cadea SER), no que me acusou de infantil, convidándome a ler ben a lei. Non lle chega con roubarnos, tampouco con mentirnos con cartos públicos senón que tamén insultan sistematicamente a nosa intelixencia... co fácil e barato que resultaría modificar a lei.

Posición do BNG contra a agresión militar en Libia. NON AO IMPERIALISMO!

2011-03-24T11:54:00.000+01:00

Diante dos actuais acontecementos internacionais o Bloque Nacionalista Galego, como organización pacifista, nacionalista e antiimperialista, quere reafirmar a súa aposta pola soberanía dos pobos e por unhas relacións internacionais baseadas na xustiza e na igualdade que primen a resolución pacífica dos conflictos. De acordo cos nosos principios políticos queremos transmitir ao conxunto da sociedade galega a seguinte declaración:

1.- O BNG oponse a unha acción militar sobre Libia que, lonxe dunha operación de axuda á poboación civil, terá consecuencias graves e duradeiras sobre a esa mesma poboación. A intervención militar responde á defensa de intereses económicos e xeoestratéxicos baixo a aparencia de intervención humanitaria, en idéntica lóxica practicada por Estados Unidos e outros estados aliados en recentes e distintas localizacións do planeta. Rexeitamos unha resolución do Consello de Seguridade da ONU que nace con evidentes síntomas de debilidade, que non conta co voto favorábel de estados relevantes e que permite unha intervención militar expresamente criticada por organizacións de estados da área como a Unión Africana e a Liga Árabe.

2.- O Bloque Nacionalista Galego é contrario á participación do Estado español nesta aventura militar destinada presuntamente a desarmar un rexime que previamente os aliados colaboraron activamente a armar. Coherentemente o BNG votou en contra da ratificación da participación española no Congreso dos Deputados.

3.- O BNG quere denunciar o dobre raseiro empregado polos estados atacantes que interveñen militarmente sobre Libia alegando a represión da súa poboación civil, ao tempo que outros estados en conflito están a reprimir cruelmente as mobilizacións das súas poboacións co silencio e cumpricidade da comunidade internacional. No caso paradigmático de Bahrein, mesmo se produciu unha invasión militar do exército da veciña dictadura de Arabia Saudita para reprimir contundentemente ao pobo. Nin a negación de dereitos políticos, nin a represión, nin o incumprimento de resolucións internacionais que afectan desde hai décadas aos pobos saharaui e palestino, mereceron nunca a contundencia da comunidade internacional sobre os estados de Israel e de Marrocos.

4.- O BNG manifesta o seu tallante rexeitamento do rexime libio e doutros que, coma el (Iemen, Bahrein, Arabia Saudita, etc) reprimen violentamente as xustas demandas de liberdade, democracia e xustiza dos seus pobos.

Xoves 24, concentracións contra guerra en Libia:

Lugo: Praza de Armañá (diante da Subdelagación do Goberno), ás 20:30 horas.
Santiago: Praza de Cervantes, ás 2030 horas.
Ourense: Subdelegación do Goberno de Ourense, ás 20:30 horas.
Foz: Praza do Concello, ás 20:30 horas.
Pontevedra: Praza da Peregrina, ás 20:30 horas.
A Coruña: no Obelisco, ás 20:30 horas
Vigo: diate do Museo Marco (Rúa do Príncipe), ás 19:30 horas.
Ferrol: Praza de Armas, ás 19 horas.

A Deputación de Lugo concede unha subvención a Sober para acondicionamento do parque infantil

2011-03-24T11:36:00.000+01:00

O organismo provincial, a través do plan de axuda para pequenas obras de infraestrutura para concellos de menos de 5000 habitantes, concedeu unha subvención de 19.500 € para a "adecuación do parque infantil municipal", obra orzamentada en 28.000 €, dos cales o concello porá 8.500 e a deputación case o 70%.

Aymerich fala do Pazo de Sober como exemplo da política empresarial neoliberal de Feijóo

2011-03-15T16:26:00.000+01:00

No debate do estado da nación no Parlamento Galego, na primeira hora da tarde de hoxe, 15 de marzo, Aymerich, referíndose á aposta de Feijóo polo apoio ás grandes empresas, que aumentan o seu beneficio a custa de recurtes sociais, fronte ás pequenas e medianas empresas, exemplificouno co Pazo de Sober, indicando que este Hotel de 5 estrelas foi a gran aposta do Plan Impulsa Lugo, sendo subvencionada con 2,5 millóns de euros a empresa madrileña que o promoveu, mentras hoxe esa empresa adebeda aínda uns 700.000 € a proveedores - autónomos e pequenas empresas - da comarca de Lemos.

STOP Lei de Augas de Galicia

2011-03-08T12:03:00.000+01:00

MANUEL DOCAMPO SOBRE A OMC DO VIÑO

2011-03-03T14:12:00.003+01:00

Máis sobre a postura do Sindicato Labrego Galego sobre o viño aquí.

LEI DE AUGAS, UN IMPOSTO INXUSTO PARA A XENTE DO RURAL

2011-03-02T11:13:00.001+01:00

NA DEFENSA DO PAÍS!

2011-03-01T22:53:00.001+01:00

* Máis info aquí.

NON Á LEI DE CONVIVENCIA E PARTICIPACIÓN DA COMUNIDADE EDUCATIVA

2011-02-18T23:13:00.000+01:00

1. Esta lei está pensada para unha realidade social e educativa que non é a nosa. Aínda recoñecendo a existencia de problemas na convivencia nos centros escolares, non aceptamos que se defina a situación actual como unha situación conflitiva. Existen dificultades na convivencia como en calquera outro ámbito colectivo, pero non é real que sexa motivo de alarma.

2. O título de participación só pretende novamente introducir a consulta sobre a uso da lingua nos distintos niveis educativos. Entendemos que a procura da normalización do galego é unha obriga das administracións que non pode ser sometida a consulta. Ademais a programación xeral do sistema educativo é competencia única da administración.

3. Desde unha perspectiva ultraliberal, enfoca a solución dos problemas de convivencia desde unha perspectiva represora, coercitiva, que supón un retroceso sobre o patrimonio conseguido nos últimos 25 anos sobre a educación baseada sobre os valores da negociación e da comunicación.

4. Esta lei, en ningún caso contribuirá a mellorar a convivencia nos centros. Non pon os instrumentos necesarios para atender á diversidade escolar, nin afrontar o fracaso escolar, verdadeiros problemas do ensino en Galiza.

5. Con esta lei, o goberno do PP evita e elude asumir as responsabilidades que lle competen, trasladándollas aos centros.

6. Non avanza na efectiva e necesaria participación da comunidade universitaria, nin do estudantado, nin do profesorado nin dos pais e nais. Se realmente quere escoitar e ter en conta a opinión dos pais e nais, que o faga xa no Consello Escolar.

7. É unha lei innecesaria. Este proxecto de lei desenténdese do Plan Integral de Mellora da Convivencia Escolar, amplamente consensuado no ano 2007, cando as súas propostas non foron aplicadas nin conseguidos os seus obxectivos . A Consellaría en lugar de retomar este plan, opta por unha lei reaccionaria, contraria á resolución educativa e formativa da conflitividade escolar.

8. Entendemos que o prioritario é atender os problemas reais do ensino con compromisos concretos: reducir o número de alumnos por aula; dotar ao centro do persoal preciso, tanto administrativo, como educativo, como de persoal de apoio especializado.

POSICIÓN DO BNG SOBRE A LEI

9. Entendemos que é prioritario a elaboración dunha Lei do Sistema Educativo Galego que garanta unha mellor educación pública, que atenda con éxito a diversidade e necesidades escolares; facilite os servizos complementarios e actividades extraescolares a todos os centros; dote os centros escolares de máis profesorado, aposte por fixar servizos educativos no medio rural, garanta a escolarización, incluída a postobrigatoria, a todo o alumnado; revalorice a función docente e aposte pola galeguización e porque a lingua vehicular no ensino sexa o Galego.

As sete marabillas da economía española

2011-02-07T23:48:00.004+01:00

Ignacio Escolar (tomado de aquí).

Unha. España é o país de Europa con máis paro: o 20,2% da poboación activa, o dobre da media da UE. É unha anormalidade absoluta dentro do primeiro mundo. É unha taxa de desemprego similar á de Mozambique (21%), Sudán (19%) ou Iraq (19%).

Dúas. Antes de que chegara a crise, España era o país con maior porcentaxe de contratos temporais de toda a UE; do mesmo xeito que o actual paro, a temporalidade tamén dobraba a media europea.

Tres. España é o país con máis billetes de 500 euros de toda a UE: un de cada catro está aquí. O 65% del diñeiro que circula en España está en billetes de 500. As cifras apenas baixaron do pinchazo da burbulla inmobiliaria e aínda suman 52.244 millóns de euros. Unha altísima porcentaxe deste diñeiro non se declara e deixa ao ano unha fraude fiscal duns 16.000 millóns. España é medalla de bronce en economía sumerxida de toda a UE cunha taxa próxima ao 20% do PIB; só gañan Italia e Grecia.

Catro. Os altos diretivos españois son os mellores pagados de Europa. En 2009, no peor ano da crise, os seus soldos creceron un 15%: os altos cargos das empresa do Ibex 35 gañaron un millón de euros de media. Un xefazo de Telefónica cobra igual que 103,5 dos seus traballadores xuntos.

Cinco. O salario medio en España é de 21.500 euros brutos anuais: a metade que en Alemaña, Holanda ou Reino Unido. É unha media enganosa: o 63% dos españois é mileurista ou algo peor. España é un dos países da UE-15 con maior desigualdade económica, só por tras de Portugal. A taxa de pobreza é do 20,8%, tamén das máis altas da UE.

Seis. España é o único país de entre os 30 máis prósperos do mundo no cal o salario medio real non creceu nos anos bos. Entre 1995 e 2005, o salario medio real dos españois perdeu un 4% de poder adquisitivo; entre 1999 e 2006, os beneficios empresariais creceron un 73%.

Sete. España é o único lugar coñecido onde os autónomos e pequenos e medianos empresarios que pagan por módulos declaran, de media, menos ingresos anuais que os traballadores e os pensionistas.

A GRAN MENTIRA DA REFORMA DAS PENSIÓNS

2011-01-20T14:17:00.000+01:00

Non á reforma das pensións! 27 de xaneiro: folga xeral.

2011-01-20T14:13:00.000+01:00

Bo ano 2011.

2010-12-28T17:39:00.000+01:00

Vándal@s nº 6 (dixital).

2010-11-29T13:32:00.000+01:00

O número seis do boletín da mocidade soberina Vándal@s do lareiro, que podedes descargar ou ler en liña no blog do BNG de Sober, vén cargadiño: críticas sobre a improvisación da XXX Feira do Viño, denuncias da suciedade do Sil, análise das promesas incumplidas do goberno municipal de Sober con respecto á xente moza, artigos de interese xeral sobre o noso mundo e dúas propostas: a II xornada de sinalización de vertedoiros de Sober e a exposición fotográfica Mulleres de Sil e Minho na Casa da Cultura.

Lembrade que esta revista da mocidade naceu para ser de tod@s. Podedes enviar os vosos artigos, queixas, etc, sen que iso signifique compromiso co BNG de Sober. Queremos ser unha publicación crítica e independente, e para iso precisamos de todos e todas vós!!!

Podes acceder a todos os números anteriores na barra lateral dereita deste blog.

a exposición de fotos de mulleres visita Sober

2010-11-23T16:51:00.002+01:00

A exposición fotográfica MULLERES DE SIL E MIÑO estará no Centro Sociocultural de Sober (1º andar - pasillo entre a Sala de Ordenadores e a Biblioteca) entre o 2 e o 13 de decembro, no horario habitual do centro.

- De luns a venres: 10:00 a 13:00 // 16:00 a 20:00.

- Sábados: 10:00 - 14:00 horas.

Nesta ocasión, por falta de espazo, non se expoñerán os útiles de traballo relacionados co mundo das mulleres, pero sí os paneis coas máis de 120 fotografías recollidas ata o de agora, nun formato mellorado máis atractivo e visual.

Durante o tempo de exposición, estará dispoñíbel un escáner portátil para que aquelas persoas que desexen aportar fotografías á mostra o poidan facer alí mesmo.

Agradecemos a boa disposición do alcalde de Sober para acoller esta mostra.

A área de Muller do BNG de Lugo-Sul, responsábel desta exposición, lamenta non poder ter exposto esta mostra de fotos e útiles relacionados cos traballos das mulleres na Casa da Cultura de Monforte en setembro, por falta de tempo, de xeito que esta cita queda para febreiro do 2011, pretendendo ser unha gran exposición que recolla o froito do traballo de documentación realizado por toda a comarca. Antes desta cita, a exposición tamén visitará o concello da Pobra de Brollón.

As persoas interesadas en contactar connosco, tanto para colaborar no proxecto como para solicitar que se expoña nalgún lugar da comarca, poden facelo a través do enderezo:

silminho_mulleres@hotmail.com

Moción contra o canon da auga do PP

2010-11-16T22:02:00.000+01:00

O BNG presentou unha moción para solicitar do Goberno galego a retirada do Proxecto de lei de Augas de Galiza e elaborar un novo proxecto de Lei que sexa sometido a consulta pública. Debendo recoller as seguintes cuestións:

a) Cumprimento da Directiva Marco da Auga e inclusión de todos os seus preceptos.

b) Garantir o acceso ao ciclo completo da auga a todos os cidadáns e cidadás de Galiza en igualdade de condicións.

c) Garantir unha fiscalidade progresiva para a auga en Galiza que de ningún xeito supoña un incremento da carga impositiva na situación actual de crise pola vía dos impostos indirectos.

d) Regulación e ordenación dos usos da auga que recolla todas as peculiaridades do territorio galego e do acceso á auga, de xeito que se garanta que a auga sexa un servizo universal das galegas e dos galegos.

e) Ter en conta unha regulación dos usos industriais da auga que garanta o uso sostíbel do recurso e unha xestión transparente do canón industrial do uso da auga.

Moción polo mantemento do servizo de Noitebus

2010-11-16T21:56:00.000+01:00

O BNG de Sober presentou unha moción para instar á Xunta de Galiza a manter o funcionamento do servizo de transporte público nocturno a lugares de lecer (Noitebus), sen aplicar ningunha redución das rutas existentes e mellorando a súa dotación e funcionamento no conxunto do territorio galego.

O PP, a través da Xunta de Galiza, vén de anunciar a súa intención de suprimir o servizo coñecido como Noitebus. Esta iniciativa, posta en marcha na pasada lexislatura, forma parte das actuacións destinadas a mellorar a seguranza viaria e reducir a sinistralidade, cubrindo as necesidades de desprazamento nocturno da mocidade. A demanda que rexistrou desde a súa posta en funcionamento dan boa mostra de que é un servizo necesario do que non se pode prescindir.

É lamentábel, á par que unha irresponsabilidade, escoitar do Presidente do Goberno Galego que “este é un servizo que resulta innecesario nun momento de dificultades económicas”, cando persoas expertas nesta materia fixeron público o seu desacordo nestes mesmos días. A propia Dirección Xeral de Tráfico (DGT) afirma que “este servizo ten demostrado a súa eficacia, ademais de contribuír a eliminar vítimas e a concienciar sobre a condución segura”. Tamén a plataforma Stop Accidentes se uniu a estas manifestacións e cualificou a pretensión do goberno do PP de “desastre”, engadindo que “sempre é máis barato previr que lamentar”.

O BNG considera un auténtico desatino a intención do PP e o anuncio feito polo Presidente da Xunta. Os fondos destinados a previr os accidentes e dar servizos á xente nova non poden considerarse un dispendio. Por outra parte, o custe do servizo é perfectamente asumíbel pola Xunta de Galiza. No ano 2010 a Xunta dedicou ao Noitebus pouco máis de 4,5 millóns de euros, unha cifra que representa o 0,5% do orzamento da Consellaría de Medio Ambiente, Territorio e Infraestruturas. Un investimento moi inferior ao gasto que o goberno do PP está a facer en propaganda e publicidade desde a Xunta de Galiza. O normal é que os recortes se realicen no ámbito da propaganda e non en servizos que cumpren unha función social evidente. A Xunta de Galiza debe rectificar esta decisión e manter o funcionamento dun servizo que ten demostrado a súa necesidade e utilidade.

29-S folga xeral!

2010-09-17T18:28:00.003+02:00

Hai motivos máis que de abondo para participar masivamente na folga xeral convocada polo sindicalismo nacionalista o próximo 29 de setembro.

Non pode ser que unha crise provocada polo capital financeiro e polos especuladores, -recordemos que un dos detonantes foi a creba de Lehman Brothers-, se salde agora cun retroceso nos dereitos laborais de todas as traballadoras e traballadores, e cunha inxente perda de postos de traballo.

Segundo a Enquisa de Poboación Activa (EPA) na Galiza hai agora mesmo 201.800 paradas e parados, e a cifra non deixa de medrar. Tanto o Goberno Central en mans do PSOE como o PP no Goberno da Xunta están aplicando as receitas neoliberais impostas polo Fondo Monetario Internacional, pola Comisión Europea e pola CEOE, que afondarán aínda máis na perda de postos de traballo e na perda de dereitos laborais.

O día 29 de setembro temos a oportunidade de reverter a situación. Canto máis masiva e participativa sexa a folga, máis útil será para a clase traballadora, obrigando ao Goberno da Xunta e ao Central a rectificar e modificar as súas políticas agresivas cas traballadoras e traballadores.

Os dereitos conquístanse!

Por un prezo xusto para o leite!

2010-09-09T13:51:00.003+02:00

www.sindicatolabrego.com

O BNG PIDE NO PARLAMENTO MEDIDAS CONTRA A PRAGA DO MILDIU NA RIBEIRA SACRA

2010-08-20T12:49:00.000+02:00

A produción das viñas amparadas pola denominación de orixe Ribeira Sacra non chegará este ano aos cinco millóns de quilos, unha cantidade que o consello regulador consideraba necesaria para responder á importante demanda que están a xerar os viños etiquetaxes desta zona no mercado nacional e internacional. Gran parte da culpa tena o mildiu, un fungo que arrasou un 20 por cento da colleita que se recollerá a mediados de setembro.

O presidente do consello regulador, José Manuel Rodríguez, recoñeceu que a incidencia do mildiu nas viñas amparadas pola denominación de orixe fo i"excepcional" este ano e que os efectos do mildiu deixáronse sentir en maior ou menor medida en todas as subzonas da denominación de orixe.

A asociación de viticultores de Chantada Irmandade dos Ribeiraos ten denunciado o feito de aínda que nesta subzona, e máis concretamente en viñedos de San Fiz e Sobrecedo, existen estacións de avisos que foron construídas pola Xunta hai tres anos e que esas instalacións están equipadas para realizar medicións sobre os niveis de calor e humidade, entre outros indicadores de interese para os colleiteiros, os datos non se puideron consultar este ano durante bastante tempo «porque ao parecer non estaban conectadas á Red ».

Os datos meteorolóxicos recollidos nestas estacións de avisos, de gran importancia para actuar ante enfermidades como o mildiu,deberían estar accesibles permanentemente a través da web de Meteogalicia.

O BNG coincide coa asociación de viticultores en que o sucedido este ano debería servir para que se realizasen investigacións que axuden aos viticultores a actuar con máis eficacia fronte ao fungo en circunstancias similares e tamén para que as estacións de avisos alerten en canto comecen a darse as condicións para un ataque deste fungo.

Polo exposto, formúlanse as seguintes preguntas:

1) Das estacións de aviso da Consellaría, cantas a día de hoxe están prestando servizo e suministrando dados á rede

2) Das que situadas na Ribeira Sacra, cantas estiveron suministrando información a aos viticultores da zona?

3) Que medidas estanse a tomar por parte da Consellaría para por freo a plaga de mildeu labrado que está a afectar a todo o viñedo galego, en xeral e ao viñedo da Ribeira Sacra, en particular?

4) Ten a Consellaría algún dado sobre as causas desta praga: cambio climático, creación de novas resistencias,agotamento de fitosanitarios, etc?

5) Ten pensado a Consellaría realizar algún tipo de investigación que axude aos viticultores a actuar con máis eficacia fronte ao fungo en circunstancias similares? E, de ser así, vai ter en conta nesa investigación ás Asociacións de Viticultores, Sindicatos, Denominacións de Orixe....?

OUTRA FORMA DE TERRORISMO

2010-07-05T10:36:00.000+02:00

Artigo tirado do xornal Galicia Hoxe na súa edición dixital.

José Carlos García Fajardo

Ós causantes de vítimas inocentes chámanlles terroristas. Como habería que chamar ós vendedores de armas para guerras motivadas por intereses económicos, ós responsables da fame no mundo, da proliferación de enfermidades hoxe curables, da falta de educación, da desfeita do medio natural e dunha explosión demográfica que se empeñan en ocultar? Son outras formas de terrorismo.

Se no pensamento tradicional de Occidente o dereito de resistencia ante o tirano convértese en deber cando padecen os máis débiles, seica os traficantes financeiros non son os tiranos dos nosos días? Eles deciden o rumbo das sociedades, imperan sobre os gobernantes, controlan medios de comunicación, crean necesidades, alteran os produtos e propalan o medo ante a inseguridade que eles manteñen para controlar o sistema.

Para vergoña de todos chega o Informe Anual sobre a Riqueza no Mundo, elaborado por Merrill Lynch. Aqueles cuxa fortuna (excluída a vivenda habitual e os bens de consumo) supera o millón de dólares (uns 807.000 euros) forman parte do club de ricos que, en España, está formado por unhas 16.000 persoas, moitas delas pertencentes ás mesmas familias. Mentres o resto de mundo pelexaba coa crise financeira que se iniciou en 2007, o número de grandes fortunas españolas creceu un 12,5% o ano pasado. A porcentaxe de grandes fortunas incrementouse en máis do 18,9% no mundo durante o ano pasado. O patrimonio conxunto dos máis ricos do mundo alcanzou os 39.000 millóns de dólares (34.000 millóns de euros).

Moitos admíranse de que isto suceda "a pesar da crise", pero outros denunciamos que esas fortunas crecen sen cesar cando hai guerras, crises e ata desastres naturais. Os que padecen as consecuencias sempre son os pobres e as clases medias. Por iso escribiu García Márquez que "se a merda tivese un prezo, os pobres nacerían sen cu".

Os ricos, á parte dos inmensos depósitos que ocultan en paraísos fiscais, inclínanse por "produtos socialmente responsables" como BP, Repsol, a industria do armamento e o branqueo do diñeiro do crime organizado, drogas, prostitución, fondos lixo, imposición de monocultivos, manipulación no prezo das cousas e no que sempre sostiveron que regulaba a divina lei do mercado. Pero a economía non obedece á lei da oferta e da demanda senón ás economías de casino en mans de banksters das finanzas.

Os causantes da crise que afecta ós máis débiles producírona as grandes compañías financeiras, as burbullas inmobiliarias, os hedge funds, os bonos escandalosos dos grandes directivos, a evasión de capitais e a fraude masiva dos billóns que se ocultan en paraísos fiscais.

Será máis fácil montar guerras, revolucións e golpes de estado que porse de acordo para transformar o modelo económico que rexe o mundo?

Pero o poder dos medios e a estupidez dos nosos gobernantes distráennos con operacións de axustes económicos cando se coñecen ós responsables deste capitalismo salvaxe. É tan absurdo que os culpables se haxan enriquecido de novo con axuda dos fondos achegados polos contribuíntes que desde a Unión Europea desconcertan á opinión pública con recortes á conta de pensionistas, funcionarios, traballadores e a base social máis ampla mentres non se deciden a transformar e controlar os bancos e a terminar coa fraude fiscal.

Se o terrorismo fai chantaxe mediante a coacción e o medo, os poderes financeiros sérvense dos políticos sumisos para apertar máis a soga. Que pasaría se nos negásemos a contribuír para os gastos desas guerras, a promover políticas fiscais máis xustas, gravar ás grandes fortunas aínda que ameacen con evadir capitais…? máis aínda? Mentres non terminen cos paraísos fiscais e o control das vidas e das conciencias, propio deste dexenerado modelo económico, non teremos dereito a cualificar de terroristas a quen, en non poucos casos, non teñen que perder máis que as súas cadeas, a súa miseria e desesperanza...

folga xeral!

2010-06-16T11:53:00.001+02:00

O goberno central do PSOE está artellar, unha vez máis, unha reforma laboral en contra dos intereses das traballadoras e traballadores deste País. Unha reforma laboral que non reducirá a crise, senón que a agudizará.

A CIG convoca este xoves mobilizacións en todas as cidades de Galiza.
Non te quedes na casa, freemos a reforma laboral!

LUGAR E HORA DAS DISTINTAS MOBILIZACIÓNS:

Vigo: Vía Norte ás 20.00 horas
A Coruña: Praza da Palloza ás 20.00 horas
Santiago de Compostela: Praza Roxa ás 20.30 horas
Pontevedra: Praza da Ferrería ás 20.30 horas
Ferrol: Avenida de Esteiro (local da CIG) ás 20.00 horas
Lugo: Parque de FRIGSA ás 20.00 horas
Ourense: Pavillón dos Remedios ás 20.00 horas
Vilagarcía de Arousa. Casa do Mar (Avenida da Mariña) ás 20.30 horas

Sober quere galego!

2010-05-18T11:22:00.001+02:00

Mobilízate pola Sanidade pública!

2010-05-07T13:02:00.001+02:00

A Xunta debe colaborar coa Deputación e implicarse economicamente nas melloras propostas en Sober

2010-04-09T14:29:00.001+02:00

MOCIÓN que presenta o Grupo Municipal do Bloque Nacionalista Galego (BNG) diante do Pleno da Corporación Municipal do Concello de Sober para INSTAR Á XUNTA DE GALIZA A COLABORAR COA DEPUTACIÓN E IMPLICARSE ECONOMICAMENTE NAS MELLORAS EN SOBER PROPOSTAS ANTE A BAIXADA DO NIVEL DA AUGA DO SIL.

Na xuntanza que a Delegada Territorial da Xunta de Galiza en Lugo mantivo coa Comisión de Turismo do Concello de Sober non se chegou, entendemos, a acordos concretos sobre actuacións en Sober ante a baixada do nivel da auga do Sil, máis que a declaracións de intencións sobre unha campaña turística específica no marco do Xacobeo.

O BNG de Sober está satisfeito coa proposta de alternativas á baixada do Sil que propuxo a área de Turismo da Deputación, pois ofertarase un turismo alternativo aos catamaráns, mellorarase o acceso en barca de viticultores e vitucultoras á Xabrega e, de ser viábel, solucionarase a inoperatividade do embarcadoiro dos Chancís, completando así o catamarán o circuito Doade-Os Chancís. Por iso, consideramos que a Xunta debe colaborar coa Deputación nesta solución, que foi ben acollida pola Comisión de Turismo de Sober, facéndoa máis ampla, en lugar de dicir que «cada administración tiene sus competencias, y de la misma manera que nosotros no le decimos a la Diputación qué es lo que tiene que hacer, esperamos de ellos la misma actitud.>>, pois a colaboración entre administracións é o mellor para a cidadanía.

Neste sentido, de facer máis ampla a solución que propón a Deputación, o BNG de Sober considera que, afectando tamén a baixada do nivel das augas do Sil ao sector vitivinícola, deben implicarse as áreas de Medio Rural e de Medio Ambiente na busca de solucións que redunden na mellora do traballo de viticultores e viticultoras.

Por todo isto, o BNG de Sober demanda do Pleno da Corporación a adopción dos seguintes

ACORDOS

1. O Pleno do Concello de Sober dirixirase á Comisión de Turismo para que esta se dirixa ás consellerías de Medio Rural e Medio Ambiente para que se impliquen económicamente e colaboren ca Deputación e o Concello de Sober, nas melloras en Sober ante a baixada do nivel de augas do Sil.

2. O Pleno do Concello de Sober proporá, para que sexa valorado pola Comisión de Turismo, como actuacións a levar a cabo dende a Xunta de Galiza o arranxo de accesos a viñedos, dos accesos á Xabrega e Chanteiro e a preparación dun acceso para barcas en Portabrosmos.

Deslealdade do Concello ao reunirse con Iberdrola sen avisar á Comisión de Turismo

2010-03-20T12:37:00.001+01:00

O BNG de Sober considera deslealdade que o alcalde e a tenente de alcalde de Sober se reunisen con Iberdrola sen avisar á Comisión de Turismo do Concello.

A área de Turismo da Deputación é o único organismo público que está a aportar solucións para Sober ante a baixada do nivel das augas do Sil, mentras a Xunta nin fai propostas nin colabora coa Deputación.

En días pasados responsábeis da empresa Iberdrola reuníronse co alcalde de Sober, José Gómez, e coa responsábel de Turismo do Concello, María del Carmen Agrelo, sen que esta xuntanza fose coñecida pola Comisión de Turismo do Concello de Sober, creada a instancias do BNG. O BNG de Sober considera este un acto de deslealdade cos axentes socioeconómicos e grupos políticos representados en dita Comisión, do mesmo xeito que foi desleal co BNG non ter avisado ao representante nacionalista na Comisión da reunión ca área de Turismo da Deputación ata unhas horas antes de que se producise*.

Ademais, as declaracións da tenende de alcalde pedindo colaboración á Deputación nas supostas compensacións que Iberdrola faría en Sober son falaces, pois é a área de Turismo da Deputación o único organismo público que puxo sobre a mesa propostas concretas para compensar a Sober pola baixada do Sil, a diferencia do que fai a Xunta de Galiza, da que aínda non coñecemos ningunha proposta de solución sobre o asunto. Non é o PP quen de dar leccións á área de Turismo da Deputación, xestionada polo BNG, pois mentras os "populares" gobernaron na Deputación crearon un problema construíndo o embarcadoiro cortando unha fervenza e nun lugar no que non é operativo, sen preocuparse nunca por solucionalo.

En relación á falta de implicación da Xunta, o BNG de Sober considera que, afectando tamén a baixada do nivel das augas do Sil ao sector vitivinícola, deben implicarse as áreas de Medio Rural e de Industria na busca de compensacións ás obras de Iberdrola. Así, o BNG de Sober presentará unha moción para que o Pleno de Sober acorde pedir á Comisión de Turismo que esta se dirixa ás Consellarías de Medio Rural e de Economía e Industria e, polo tanto, á Xunta de Galiza, a través da Delegación Territorial de Lugo, para que a Xunta se implique economicamente e colabore ca Deputación, o Concello e os axentes socioeconómicos soberinos, reunidos na Comisión de Turismo, ampliando a solución exposta pola área de Turismo da Deputación e facéndoa máis ampla.

* Nesta xuntanza que a Comisión de Turismo de Sober tivo cos responsábeis da área de Turismo da Deputación o pasado 15 de Marzo, estes explicaron as compensacións que dende dito organismo se farán en Sober pola baixada do nivel da auga do Sil e que consisten en:

- unha vez que baixe o nivel da auga acometer, en función das posibilidades, as obras necesarias para converter o embarcadoiro dos Chancís, actualmente inoperativo, nunha base permenente para os catamaráns do Sil.

- potenciaranse as rutas do Km0.

- facer da Xabrega un punto de acceso de embarcacións de pequeno e mediano tamaño, comprometéndose a Deputación a ofertar, durante este ano 2010, viaxes nestas barcas como turismo de aventura, levando á xente en bus dende a zona dos Chancís e acondicionando o entorno da Xabrega.

- promover un tren turístico que fará o percorrido de Ourense a Monforte, dende onde os visitantes se desprazarán en bus a Sober e Doade, facendo paquetes turísticos nos que se visiten adegas e artesáns, como compensación ao descenso de visitantes que o non funcionamento dos catamaráns orixine.

- estudarase a posibilidade de facer unha base para embarcar en Chanteiro.

O BNG de Sober está satisfeito coa proposta, pois ofertarase un turismo alternativo aos catamaráns, mellorarase o acceso en barca de viticultores e viticultoras á Xabrega e de ser viábel, solucionarase a inoperatividade do embarcadoiro dos Chancís, completando así o catamarán o circuito Doade – Os Chancís.

O BNG critica a improvisación na XXX Feira do Viño de Amandi e a elección de Roberto Varela como pregoeiro

2010-03-19T18:14:00.005+01:00

O BNG de Sober critica que, sendo esta a XXX edición da Feira do Viño de Amandi, non se promocionase o evento amplamente coa suficiente antelación. Por exemplo, non se coñeceu o cartel ata dúas semanas antes da feira.

Así, denunciamos o asunto cunha pancarta satírica na rotonda de entrada ao pobo de Sober que foi retirada horas despois de ser colocada.

Por outra parte, o BNG non comparte a elección de Roberto Varela, Conselleiro de Cultura, coma pregoeiro da Feira do Viño de Amandi, pois as súas afirmacións sobre que a "Cultura galega limita", que está "ensimesmada e acomplexada" e a deturpación de topónimos galegos (Desván de los Monjes) non fan que sexa a persoa adecuada para promocionar o viño, elemento cultural de primeira orde, plantación que extenderon nesta Ribeira Sagrada os monxes de Cluny e do Císter, traendo tamén o desenvolvemento agrario e cultural, na época plenomedieval en que Galicia era centro político e económico de Europa e o galego, lingua actualmente ameazada pola administración teoricamente encargada de protexela, idioma normalizado no noso país e lingua de cultura e prestixio.

Non se entenda esto como ataque persoal ao señor Roberto Varela, senon como xesto simbólico de protesta ante un goberno da Xunta decidido a exterminar a Cultura galega.

Ademais, presentaremos unha solicitude ao Pleno do Concello para que se tome o acordo de non convidar a políticos en activo para pregoar a feira en vindeiras edicións.

mulleres entre sil e miño (exposición)

2010-02-25T01:30:00.000+01:00

Bloque Sober 8

2010-01-19T14:38:00.003+01:00

Un novo voceiro do BNG de Sober está a ser distribuído a todos os fogares do Concello. Descárgao tamén aquí cliqueando sobre a imaxe.

Débese replantexar a loita contra a Altica

2010-01-12T14:13:00.002+01:00

O inimigo máis silencioso das carballeiras

Diferentes entidades solicitan que a Xunta mude a súa estratexia contra a 'Altica quercetoum', unha praga que leva dúas décadas causando estragos nos carballos.

Estanse a usar productos químicos excluídos como fitosanitarios por unha Directiva Europea.

(ler máis en Vieiros)

(ler máis na web do Sindicato Labrego Galego)

O BNG propón crear unha Comisión de Turismo

2009-12-02T19:59:00.010+01:00

A través dunha moción, o Grupo Municipal do BNG de Sober propón crear unha Comisión de Turismo no Concello de Sober que se encargue de solicitar obras compensatorias pola baixada do nivel das augas do río Sil durante a primavera e o outono de 2010.

As obras de ampliación da central hidroeléctrica de Santo Estevo da empresa Iberdrola provocarán, ademais dun forte impacto ambiental, a paralización das viaxes dos catamaráns polo Sil entre a abril e outono de 2010, Ano Santo compostelán.

O BNG de Sober pensa que debemos aproveitar esta situación para replantexar a estratexia turística na Ribeira Sacra en xeral e no municipio de Sober en particular cara novos plantexamentos que conduzan a un desenvolvemento turístico respetuoso co medio natural e ca nosa cultura e que xere riqueza extendida a toda a poboación, entre os que destacamos os seguintes:

- implicación da sociedade no deseño da estratexia turística.

- deseño dunha estratexia turística respetuosa co medio natural e ca cultura propia.

- aposta por un turismo de contidos, que teña en conta os valores patrimoniais propios en todos os eidos (Medio Ambiente, Arte, Arqueoloxía, Arquitectura, Patrimonio Inmaterial...).

- racionalización dos recursos, apostando polas obras máis prioritarias.

- coordenación entre todas as administracións implicadas.

Ademais, o BNG de Sober entende que o impacto das obras na central hidroeléctrica afecta sobre todo á ribeira soberina, sen que xeren ningún beneficio, co cal son esixíbeis compensacións, que deberán reverter sobre todo no sector vitivinícola e nas parroquias ribeirás de Sober.

Polo exposto, o grupo municipal do BNG solicita do Pleno de Sober a adopción dos seguintes

ACORDOS

O Pleno do Concello de Sober comprométese a integrar ao sector económico do viño e a comerciantes e artesáns no deseño do proxecto turístico alternativo aos catamaráns do Sil, instando ao resto das administracións e entidades implicadas no deseño da estratexia turística para a Ribeira Sacra (Xunta – Deputación – Consorcio de Turismo) a facer o mesmo.
O Pleno do Concello de Sober pulará para que a estratexia turística na Ribeira Sacra teña en conta a relación entre as dúas ribeiras, ourensá e lucense, do Sil.
O Pleno do Concello de Sober constituirá unha Comisión de Turismo, na que estén presentes todos os axentes sociais e económicos implicados no sector turístico do municipio, incluindo aos portavoces de todas as forzas políticas, para facer unha proposta de actuacións compensatorias en Sober pola baixada do nivel das augas do Sil, entre as cales o BNG de Sober propón as seguintes:

- aproveitar a baixada do nivel das augas para facer unha obra de acceso de barcas ao río nas zonas da Xabrega e de Portabrosmos.

- adecuar o embarcadoiro dos Chancís ás fluctuacións do nivel da auga do río.

- recuperación de camiños tradicionais, enlazando toda a ribeira soberina do Sil cun sendeiro a pé: corredor Doade – A Barca, con paso polos muíños do regato de A Boca.

- completar o acceso en autocar (se for suficiente cona zaorra, non usando o asfaltado) aos miradoiros "Colado da Cividade" e "Colado do Boqueiriño".

- consolidación e recuperación do camiño e dos muíños da Algueira a San Tomé.

- restauración das pinturas renacentistas da igrexa de Pinol.

- axudas para o adecentamento dos exteriores das adegas e axudas para os talleres de olería.

- racionalización da sinalización: plan de sinalización homoxéneo.

- limpeza do Castro da Cividade e do Cotarro das Rodas, unindo estes puntos cun sendeiro co miradoiro da Cividade.

- recuperación da microtoponimia da ribeira.

contra a violencia de xénero

2009-11-17T13:55:00.001+01:00

PLENOS XANEIRO-SETEMBRO 2009

2009-11-03T14:20:00.007+01:00

PLENO – 19 – XANEIRO – 2009

Sesión extraordinaria.
Renuncia de Raquel Arias ao cargo de Alcaldesa do Concello de Sober pola imposibilidade de compatibilizar este co de candidata ás eleccións ao Parlamento de Galicia. Non renuncia ao cargo de concelleira.

PLENO – 29 – XANEIRO – 2009
Sesión extraordinaria.
Elección de novo Alcalde. José Gómez é elixido Alcalde de Sober cos 8 votos do Partido Popular.

PLENO – 31 – XANEIRO – 2009
Sesión ordinaria.
Sorteo dos membros das mesas electorais para as eleccións ao Parlamento de Galicia do 1 de Marzo de 2009.
O BNG formula dous rogos á Alcaldía:
1. Que dende o Concello se poñan os medios axeitados para limpar os vertedoiros incontrolados (ver "Os mil e un vertedoiros do Concello de Sober").
2. Que se arranxen os postes da luz que, debido ao pasado temporal, están a caer.

PLENO – 11 – FEBREIRO – 2009
Sesión extraordinaria.
Repetición do sorteo de dous suplentes en dúas mesas electorais.

PLENO – 13 – MARZO – 2009
Sesión ordinaria.
Aprobación da conta xeral de 2007, cos votos a favor do PP e a abstención dos grupos da oposición.
Aprobación das dietas dos concelleiros sen adicación exclusiva nin parcial por asistencia a órganos colexiados:
- 120 € por asistencia ás sesións da Xunta de Goberno (asisten o Alcalde e os tres Tenentes de Alcalde; as sesións ordinarias son dúas ao mes). - 100 € por Plenos e Comisións Informativas do Pleno. - O Alcalde cobrará 725 € por asistencia ás sesións dos órganos colexiados, e non poderá cobrar máis que dúas asistencias ao mes (as dúas das Xuntas de Goberno), é dicir, 1450 € ao mes.
O BNG formula a seguinte pregunta:
- ¿Que espazo acota un sinal feito a man que limita o paso a 30 km hora en Rosende?
Alfonso Campos Pérez formula a seguinte solicitude de melloras turísticas (ver aquí).
Xesús Verao Pérez roga que se corrixan as deturpacións nos nomes dos miradoiros e lugares, algo desfeito dende os despachos.

PLENO – 12 – Maio – 2009
Sesión extraordinaria.
Sorteo de membros de mesas electorais para as eleccións ao Parlamento Europeo 2009.
Renuncia ao cargo de concelleira de Raquel Arias Rodríguez.

PLENO – 30 – Maio – 2009
Sesión ordinaria.
Toma de posesión do cargo de nova concelleira de Ángeles Illanes Pérez.
Recoñecemento extraxudicial de créditos: o Concello acometeu no exercicio orzamentario de 2008 determinados gastos para os que non había consignación orzamentaria, polo cal estes se inclúen no Orzamento de 2009. O BNG manifestou que houbo falta de previsión por parte do goberno local.
Aprobación da Ordenanza Municipal de Axuda a Domicilio (consultar o BOP nº 177).

PLENO – 30 – Xuño – 2009
Sesión extraordinaria.
Aprobación do Orzamento Xeral para 2009, cos votos a favor dos concelleiros do PP e os votos en contra da oposición.

Os Orzamentos Xerais do Concello de Sober para o ano 2009 ascenden a 2.412.527,02 €. [Aumentaron en 738.864,84 € con respecto a 2008; un 44% máis, aumento debido ao FEIL]. - Presuposto de INGRESOS. O maior volume de ingresos provén, coma o ano pasado, do capítulo de TRANSFERENCIAS CORRENTES (1.041.014,02 € - 43% aprox.). Como xa dixemos o ano pasado, a importancia das transferencias de outras entidades evidencia a falta de autofinanciamento das entidades locais [en Sober esto evidénciase na necesidade de recurrir a créditos para afrontar gastos habituais, coma o aprobado no último pleno] e a necesidade de reformar o actual sistema municipal (que prima ás cidades grandes), contemplando na financiación dos concellos variables coma a dispersión poboacional do noso país, o avellentamento ou a extensión territorial do municipio. As OPERACIÓNS DE CAPITAL aumentan dende os 244.483,94 € de 2008 ós 807.157 € de 2009, correspondendo este aumento, sobre todo, o aumento das transferencias de capital do Estado, que en 2009 ascenden a 557.250 € (FEIL). A recadación do imposto sobre actividades económicas reduciuse dende os 40.200 € de 2008 ós 5.200 € de 2009. - Presuposto de GASTOS. O maior volume de gastos absórveo o capítulo de PERSOAL (50% de gastos do Concello), que aumenta con respecto a 2008. Os gastos correspondentes a ALTOS CARGOS aumentan dende 17.373,84 € a 45.000 €.

PLENO – 13 – AGOSTO – 2009
Sesión ordinaria.
Toma de poseseión do cargo de nova concelleira de Mª Carmen Agrelo Vázquez.
O PP pervirte o espíritu democrático do Pleno aplazando mocións, rogos e preguntas presentadas en tempo e forma pola Oposición (ver aquí).

PLENO – 30 – SETEMBRO – 2009
Sesión ordinaria.
Mocións do BNG.
- Pola gratuidade dos libros de texto (aquí).
- Polo mantemento do proxecto de extensión da banda larga mediante tecnoloxía WIMAX no sur de Lugo (aquí).

ACORDOS NA XUNTA DE GOBERNO LOCAL

* Aprobación dun convenio ca Deputación Provincial de Lugo para a subvención por parte desta administración dos gastos derivados das actuacións do Fondo Especial do Estado.
* Aprobación das obras a financiar con cargo ao FEIL (ver aquí).
* Mellora da rede viaria en: Sobreira, Sante, Igrexa de Bulso, Lamas de Abaixo, Pipín, Outeiro, Viladime, Gandarela, Viloudriz, Vilamaior, Figueiroá, Rosende, Xuncal e Cuñas de Abaixo.

A FESTA EN FOTOS

2009-10-19T20:38:00.001+02:00

I FESTA NACIONALISTA DA RIBEIRA SACRA

2009-09-30T22:44:00.004+02:00

* Prema AQUÍ para coñecer os detalles.

GALIZA COMO TALLADA

2009-09-09T13:24:00.001+02:00

... poderes económicos e políticos que, en medio século, expropriáronnos os "ríos esquecidos"e espoliaron os nosos recursos enerxéticos fósiles, esgotando en dous decenios os lignitos pardos d"As Pontes e Meirama. Nas mans dos depredadores e os seus cómplices cipaios, aquel noso potencial enerxético, no canto de enxendrar un desenvolvemento endóxeno racionalizado e sustentábel, agravou a "extraversión" da nosa economía e acelerou o perverso síndrome do "crecemento cara fóra", é dicir, os andacios do mundo subdesenvolvido que diagnosticaran os latinoamericáns Furtado, Pinto, Sunkel e demáis, poucos anos antes de escribir o Valentín o seu libro -e que il ben coñecía, por certo. Medio século perdido, viaxándomos de recú. Baixo o fascismo e sen autonomía, primeiro; en "democracia" e con "autoanemia", despois. E agora o vento, tamén. Disque o vento é noso -tamén o eran os ríos e os lignitos- mais os muíños do vento, certamente, non. A parte nacionalista do bipartito tentou dárllelos cando menos ao destinatario xordo indíxena, e mesmo obter un quiñón para a xente do común. Chegou o espolique do Galán, e restituíulles o "dominio eminente" aos depredadores. Canto ao destinatario xordo favorecido no intento (bi)partito e axiña desposuído na restitución aos amos da terra, ese pasou a facerse o mudo tamén: nin cando o atracan se defende.

Ai, Valentín! Se por acaso resucitases, seguro que retornabas de imediato á túa cova, a proseguir os teus paliques con "Un Ollo de Vidro", o alter ego do Daniel no alén. Estes de agora non saben nin quen eran un e outro. Dicímosllelo, só por amolar?: os que, coma ti e tantos outros de lei, asumiron Galiza como tarefa colectiva de emancipación aberta ao protagonismo popular como auténtico destinatario das súas mensaxes liberadoras. Non coma estes, que encarnan a antítese desa angueira liberadora. Istes que, ben claro está, só cobizan a Galiza como tallada: o natural e propio do carnívoro depredador.

Xosé Manuel Beiras en Galiza Hoxe (ler o artigo completo aquí).

OPERACIÓN PANDEMIA

2009-08-22T15:24:00.004+02:00

2009-08-17T16:18:00.001+02:00

TEMOS DEREITO A FACER OPOSICIÓN

2009-08-13T21:35:00.007+02:00

O PP de Sober pervirte o espíritu democrático do Pleno aprazando mocións, rogos e preguntas presentadas en tempo e forma pola Oposición. Ademáis, a Alcaldía non aceptou incluír na orde do día do Pleno de hoxe unha Moción do BNG sobre a anulación por parte da Xunta de Galiza da instalación da rede WIMAX.

O BNG de Sober presentara no rexistro do Concello do 7 de Xullo pasado unha Moción para instar á Xunta de Galiza a garantir a gratuidade dos libros de texto e do material curricular no vindeiro curso académico, pero esta Moción non se puido debater porque a Alcaldía decidiu adiar, sen dar explicacións convincentes, todas as Mocións, Preguntas e Rogos presentados en tempo e forma pola Oposición ata o vindeiro Pleno.

Ademáis, no Pleno de hoxe, Alfonso Campos Pérez, voceiro do BNG, sinalou que quería presentar unha Moción para instar á Xunta de Galicia a manter a extensión da rede de banda larga no sur de Lugo, cumprindo ca empresa adxudicataria os termos do contrato, é dicir, poñendo a disposición da empresa as infraestruturas comprometidas para instalar as antenas WIMAX e que se lle fixe un prazo curto, que non vaia máis alá de setembro, para a posta en servizo de internet e teléfono aos prezos convidos, isto é: 30 € como máximo por unha conexión normal, 55 € como máximo por 6 MG, e servizo telefónico por 18 € ao mes. A Alcaldía non aceptou que se debatese hoxe ningunha Moción, a pesar de tratar a do BNG sobre un asunto tan importante e urxente como é a posibilidade de ter un bo servizo de banda larga nesta zona, servizo imprescindíbel para os empresarios do rural, as mozas e mozos, o turismo a cidadanía en xeral e particularmente para os maiores, aos que doutro xeito é imposíbel darlles un unha atención por teleasistencia que precisan de xeito perentorio.

Ante a intransixencia do PP, o voceiro do BNG de Sober esixiu que a partir de agora se atendan ao día as iniciativas da Oposición, pois é fundamental para garantir o control democrático do Goberno, labor para a que a cidadanía nos elixiu. O BNG considera que é unha fraude aos votantes convertir os Plenos en puro trámite.

NON MÁIS ENCOROS

2009-08-07T11:39:00.002+02:00

O BNG reclama a declaración dos ríos galegos libres de novos aproveitamentos hidroeléctricos

Unha delegación de cargos institucionais do BNG, integrada polas deputadas no Parlamento galego e nas Cortes (Isabel Sánchez e Olaia Fernández), polo senador, Xosé Pérez Bouza, e pola eurodeputada Ana Miranda desprazáronse hoxe até o encoro de San Estevo de Ribas do Sil para denunciar a indefinición do actual goberno da Xunta na defensa dos cauces galegos, nomeadamente os da conca Miño-Sil, e reclamar a revisión do Plan Sectorial Hidroélectrico para declarar os ríos do País libres de futuros aproveitamentos.

Os representantes nacionalistas advertiron do perigo no que se atopan na actualidade os ríos de Galiza, sobre todo ante a ameaza inminente de adxudicar novos aproveitamentos hidroeléctricos, malia recoñecer a propia consellaría de Medio Ambiente que “existe saturación”.

Lembraron que a posición do BNG a este respeito sempre foi unha opinión crítica con esta política, reclamando racionalidade nos usos e apostando por unha práctica respetuosa que teña como elemento cardinal dotar de racionalidade a explotación das augas e a preservación do seu valor medioambiental.

Neste sentido, a deputada no Parlamento galego Isabel Sánchez anunciou que instará ao goberno da Xunta a que redacte un Plan de Usos da Rede Natura que permita elaborar informes que sexan vinculantes no Estado, unha proposta que tamén será levada ao Parlamento Europeo por Ana Miranda, co obxecto de que a Comisión de Medio Ambiente tome cartas no asunto e obrigue ao goberno español a que todas as Comunidades teñan redactado os ditos Planes de Usos.

Pola súa parte, o senador, Xosé Pérez Bouza anunciou que demandará as competencias sobre a xestión da Confederación Hidrográfica Miño-Sil, pois dende Galiza poderáse defender mellor os intereses dos seus ríos, “sempre e cando haxa máis sensibilidade da que está a demostrar o actual goberno co este asunto”, ironizou.

A este respeito, pediulle a Feijóo menos abrazos co presidente de Iberdrola e máis protección dos cauces galegos, o que pasa pola paralización de novos encoros nesta conca.

Asemade, adiantou que, á vista da desfeita causada por Iberdrola nas obras que está a realizar en San Estevo, co conseguinte secado dun tramo do río e que “nin se dignaron a retirar os casacallos” mañá poñerán estes feitos en coñecemento da Fiscalía ante a pasividade tanto da Confederación como do actual goberno.

TEMOS DEREITO Á REDE WIMAX

2009-07-28T22:50:00.003+02:00

O Consello Comarcal do BNG de Lugo-Sul, non comprende nin acepta á decisión de anular o previsto servizo de Banda Larga para as comarcas de Lemos e Chantada. As recentes declaracións da Delegada Territorial da Xunta de Galicia sobre a ineficacia desta tecnoloxía, correxindo a explicación anterior que se basaba en supostos incumprimentos da empresa adxudicataria, non fan máis que confirmar que estamos a padecer medidas pouco meditadas de quen semella descoñecer do que está a falar e o que é pior, as consecuencias das decisións que toma.

O acceso a internet no 2009 non é un luxo. Esiximos que non se nos despoxe dun instrumento fundamental para o desenvolvemento rural, vital para as empresas, autónomos, estudantes, demandantes de emprego, para o Turismo, así como para un servizo de teleasistencia aos nosos maiores, nesta zona economicamente deprimida e cunha alta taxa de envellecemento poboacional.

Non nos vale o recurso a un futurible plan non concreto de Banda Larga para toda Galicia fronte ao que xa era unha realidade con dotación orzamentaria dispoñíbel e comprometida e, ademais, cunha experiencia práctica que avala o funcionamento deste sistema.

Por este motivo, o luns 27 de Xullo, ás 12:00 horas, no portelo único do Concello de Monforte de Lemos, procedeuse ao rexistro dunha carta (previamente enviada por fax) dirixida á Delegada Territorial da Xunta de Galicia en Lugo, Raquel Arias Rodríguez, que se fai pública unha vez enviada. Acceso á carta aquí.

POLA LINGUA, POLO EMPREGO

2009-07-13T12:41:00.002+02:00

Participa na manifestación do Día da Patria, 25 de Xullo.
Haberá un BUS gratuito dende Monforte, para o que te podes anotar no teléfono 982416027 ou enviando un correo a benegasober@hotmail.com.
Para XANTAR connosco, podes recoller un ticket no local comarcal do BNG, aboando 20 €.

ENSINO PÚBLICO, EN GALEGO E DE CALIDADE

2009-07-08T15:16:00.004+02:00

O BNG de Sober presenta unha moción para instar á Xunta de Galicia a manter a gratuidade dos libros de texto no ensino obrigatorio para o vindeiro curso académico.

O Partido Popular anunciou que suprimirá o sistema de préstamo gratuito de libros escolares, sustituíndoo por axudas directas para a adquisición de material que son moi reducidas.
O PP disfraza a medida de “progresista”, alegando que pagarán os libros as familias que poidan permitirse ese gasto, pero o certo é que a maioría das familias van ter que afrontar gastos moi elevados no material escolar; só as familias por debaixo do umbral da pobreza terán dereito ao 100% das axudas.
O ensino básico é obrigatorio e gratuito, logo o material didáctico tamén debería ser gratuito para tod@s. Trátase de xustiza e igualdade, non de caridade. A medida que favorecería á maioría social sería aplicar impostos progresivos segundo a renda, algo que o PP non está disposto a levar a cabo.
AS MEDIDAS DO PP CONTRA O ENSINO PÚBLICO
Coas primeiras medidas de goberno, o PP amosa que non lle interesa o ensino galego de calidade e busca a súa privatización: eliminación da gratuidade dos libros, supresión das axudas aos movementos de renovación pedagóxica, incremento de agrupamentos de alumnado de diferentes niveis educativos, falla de medidas para mellorar o ensino no rural, eliminación dos contidos de carácter galego na FP ou imposición dun modelo educativo que non garante que os estudantes teñan competencia en galego ao rematar os estudos.

EXEMPLOS PRÁCTICOS - AXUDAS POR TIPO DE FAMILIA
*** Familia monoparental, cun fillo/a e ingresos de 1.300 euros mensuais.
Ingresos familiares: 1.300 euros x 14 pagas = 18.200 euros anuais
Membros unidade familiar = 2
Ingresos anuais por persoa = 18.200 euros / 2 = 9.100 euros
NON ten dereito a ningún tipo de axuda.
*** Familia monoparental, cun fillo/a e 1,5 veces o Salario Mínimo Interprofesional.
Ingresos familiares: 7.381,33 euros x 1.5 = 11.072 euros anuais
Membros unidade familiar = 2
Ingresos anuais por persoa = 11.072 euros / 2 = 5.536 euros
Só ten dereito ao 50 % de axuda.
*** Familia mileurista cun fillo/a.
Ingresos pai: 1.000 euros brutos mensuais
Ingresos nai: 1.000 euros brutos mensuais
Ingresos familiares: 2.000 euros x 14 pagas = 28.000 euros anuais
Membros unidade familiar = 3
Ingresos anuais por persoa = 28.000 euros / 3 = 9.333 euros
NON ten dereito a ningún tipo de axuda.
*** Familias por debaixo do umbral de pobreza
7.203,3 euros por persoa. Non está publicado o dato para 2009, pero, seguindo a tendencia dos anos anteriores, poderiamos estimalo en 7.926 euros anuais aproximadamente.
Familias con ingresos anuais por persoa entre 5.400 euros e 7.926, só terían dereito ao 50 % da axuda.
*** Familias con salario medio
1.496 euros mensuais (Galicia).
Familias monoparentais cun fillo/a e con ingresos correspondentes ao salario medio NON terían dereito a ningún tipo de axuda.
Ingresos familiares: 1.496,2 euros x 14 pagas = 20.947 euros anuais
Membros unidade familiar = 2 (Con dous fillos/as: só 50% da axuda).
Ingresos anuais por persoa = 20.947 euros / 2 = 10.473 euros
Se a familia estivese composta por dous adultos con ingresos medios (1.496 euros/ brutos mes), tería que ter tres fillos/as para ter dereito ao 50 %, e só no caso de que tivese 6 fillos/as teria dereito ao 100 % da axuda.